КАЙДА КЕТТИ? КИМ КӨРДҮ? ЖЕ ОРГАЗМГА ЖЕТҮҮНҮН ЖОЛДОРУ

Төшөк оюну болду, мырза өзүнчө эле бактылуу. Бирок дубал тарапты карап жатып алган сиз «эмнеге төшөк кумарын ала албайм?" деп ойлонуп жатасыз. Статистика боюнча, айымдардын 25-30 пайызы жыныстык жашоодо жашап жатса да, оргазм эмне экенин сезген эмес, сезсе да кээде гана. Мунун себебин сексопатологдор төмөнкүчө түшүндүрүшөт.

ОРГАЗМДЫН ТҮРЛӨРҮ

Клитордук оргазм. Өзү айтып тургандай, клитордун, тактап айтканда, жыныс тилчеси аркылуу ишке ашат. Мындай оргазмга жетүү айымга табият тарабынан тартууланган жана ага мастурбация жолу менен да максатка жетүүгө болот. Клитордо 8000дей нерв чекиттери жайгашкан. Алар мээге өзүндө кандай жыргал болуп жатканын дароо жеткирип турушат. Бирок бул ыкманы адат кылууга болбойт. Анткени жыныстык катнаштан оргазм ала албай кыйналышы мүмкүн.

Жыныс кындык (вагиналдык). Эрогендик чекиттер жыныс кынынын капталында жайгашкандыктан айымдардын көпчүлүгү мындан оргазм ала алышат. Бул жерде эркектин ролу чоңураак. Анткени эркек шамдагай кыймылдап, жакшылап ыйкай алса, айым оргазмга оңой жете алат. Бирок бул нерсе бардык айымдарга таандык деп айтуудан алыспыз. Анткени кээ бирлердин жыныс кынынын сезимталдуулугу начар. Айрымдардыкы тубаса ошондой жаралса, кээ бирлеринде ар кандай жугуштуу оорулардан улам сезимталдыгын жоготуусунан болот.
Мындай айымдардын эрогендик чекиттери жыныс тилчесинде көбүрөөк жайгашкан. Айым тартынбастан эле шеригине клиторун укалатып, анан жыныстык катнашка баруусун сунуштоосу керек.

Жатындык оргазм. Көпчүлүк окумуштуулар оргазмдын мындай түрүн жокко чыгарып келишет. Анткен менен аялдын жатынына атайын аппарат коюп изилдешкенде кээ бир аялдар жатындык оргазм алары аныкталган. Бул кээ бир аялдардын эрогендик чекити жатын кынынын эң тереңинде жайгашкандыгы менен түшүндүрүлөт. Мындай оргазмга жетүү үчүн аял жамбашынын алдына жаздык коюп алуусу, ошондой эле бутун эркектин ийинине асып алуусу керек.


ОРГАЗМГА ЖЕТYYГӨ ЭМНЕЛЕР ТОСКООЛ БОЛОТ?

1. Тартынчаактык. Төшөктө ар бир айым өзүн эркин сезүүсү зарыл. Дене кемчиликтериңизге көңүл бурбаңыз. Себеби көпчүлүк айымдар секс маалында ашыкча салмагын же болбосо кичинекей эмчектерин ойлоп, оргазм ала албай калышат.
2. Психологиялык абал. Оргазм мээ аркылуу башкарылуучу татаал процесс. Андыктан төшөк оюну учурунда башка ойго алаксыбоо керек. Стресс, ортодогу таарынычтардын баары эшик артында калганы оң.
3. Алсыз булчуңдар. Жыныс кыны булчуңдарга кирет. Ал эми оргазм – бул булчуңдун жыйрылышы. Физикалык активдүүлүк жок болсо, жыныс булчуңу да бош тартып жакшы жыйрылбай калат. Андыктан атайын көнүгүүлөрдү жасаңыз.
4. Регулярдуу эмес төшөк катнашы. Айым анда-санда гана жыныстык катнашка барса, анда анын жыныс кыны чоюлчаактыгын, ийкемдүүлүгүн жоготот. Атайын суюктукту иштеп чыгаруучу бездин да иштеши начарлап, жыныс кыны көп сууланбайт.
5. Жаш курак. Кээ бир айымдарда гормондордун иштеши кеч калыптанат. Башкача айтканда, оргазмга жетүү үчүн керектүү гормондорду топтой элек. Андыктан алар бала төрөгөндөн кийин гана оргазмды сезе башташат.
6. Гинекологиялык оорулар. Цистит, заара чыгуучу каналдардын сезгенүүсү, эндометриоз, жугуштуу оорулар да оргазмдын душмандары болуп саналат. Андыктан маал-маалы менен гинекологго көрүнүп турууну да адатка айландыруу сунушталат.
7. Дары-дармектер. Суук тийгенге, аллергияга каршы дары-дармектер, заара кубалоочу каражаттар канга сиңгенден кийин дем алуу жолдорунун, ошондой эле жыныстык кындын былжырына да таасир этет. Башкача айтканда, оргазм алууга жолтоо болот.
8. Уйку. Эгер уйкуңуз келип жатса жатып эс алып, андан соң ишке киришкениңиз оң. Себеби уйкусуроо төшөк оюнунун негизги душманы.
9. Тар, чыпташкан кийимдер. Мындай кийимдер кан айланууну бузушат. Эркек менен жакындашканда айым дүүлүккөнү менен, жыныстык органдарга кан жетишерлик деңгээлде барбайт. Денеңиз болушунча эркин болушу шарт. Жадакалса чачыңызга катуу байланган резинка да сизге жолтоо болорун унутпаңыз.
10. Вагинизм – төрөт учурунда же жыныстык катнаш учурунда алган жаракаттардан улам пайда болгон коркуу сезими. Бул сезимди туура төшөк ыкмасын тандап, өнөктөшү экөөлөп жеңүүгө болот.
11. Муздак буттар. Төшөк оюнунун алдында бутуңузду жылуулаңыз. Анткени буттагы температура оргазмга жетүүгө да таасир этет. Бут канчалык жылуу болсо, ошончолук оргазмга бат жетесиз.

Астра Айдарова
erotika@super.kg