Алмаз Шаадаев, ырчы: «БИР ЖЫЛДАН БЕРИ «ФАРИДАМСЫЗ» ТОЙЛОР ӨТПӨЙ КАЛДЫ»
КААРМАН ТУУРАЛУУ
Туулган жери – Нарын облусу, Ат-Башы району, Кара-Суу айылы Туулган жылы, күнү – 1990-жыл, 11-сентябрь Билими – Кыргыз-Түрк «Манас» университетинин туризм жана саякат бөлүмүн аяктаган Ырларынын саны – 25, анын 13үнө клип тартылган Популярдуу ырлары – «Фаридам», «Күлүп койчу айдай», «Карындаш», «Жаным, ай» жана башкалар. Үй-бүлөдө 4 бир туугандын улуусу
– Алмаз, кандайсың? Күйөрмандарыңа сыйкырдуу концерт тартуулайын деп жүрүптүрсүң. Бул концерттин сыйкыры эмнеде? – Жакшы. Аталышы айтып тургандай эле Кыргыз жергесинде биринчи жолу боло турган концерт. Себеби концерттин уюштуруучулары «мындай концерт болгон эмес» деп айтып жатышат. Буга чейин башка ырчыларга сунушташса, «көп каражат сарпталат» деп баш тартып коюшкан экен. Концертте «Фаридам» аттуу альбомумдун бет ачары болуп, сахнада мистикалык фокустар көрсөтүлөт.
– Сенин аткарууңдагы «Фаридам» ыры репертуарыңдагы эң популярдуу чыгарма болду. Жаңы чыгармаларың ошол баскычка жетет деп ойлойсуңбу? – Мен биринчи «Жаным, ай» ырым менен эле тааныла баштагам. «Жаным, ай» да убагында өзүнүн угармандарын таап, элге жакшы алынган. Бирок «Фаридамдын» деңгээлине жеткен эмес. «Фаридамды» мурда угуп жүрчүмүн. Бирок ырдап калам деп ойлогон эмесмин. Себеби ошол учурда «Кыргыз кыздары» деген шаңдуу ыр жаздыргам. Эмнегедир ал ыр элге алынарына көзүм жетпей, жайылта элек болчумун. Бир күнү «Фаридамдын» сөзүн ошол ыргак менен аткарып көрдүм. Өзүмө аябай жагып, уккулуктуу болоруна көзүм жетти. Аранжировкасы бүтөрү менен таңкы саат 4тө эшикке чыгып алып ырдаганым эсимде. Бир айда эле өз угармандарын тапты.
– Демек, бул чыгарма сенин атактуулугуңду арттырды... – Ооба, чыгармачылыгымдагы эң көрүнүктүү ырлардын бири болуп калды. Кызыл кроссовки кийип алып элдин алдына ойсоңдоп чыгып, эптемей клип тартып койсом ырчы болом деп ойлогом. Ырчынын аты эмес, чыгармасы хит болгон башкача ырахат экен. Бир жылдан бери «Фаридамды» жакшы ырдагансың, азаматсың. Кыргызстандын булуң-бурчуна тарап, тойлор «Фаридамсыз» өтпөй калды» дешет.
– «Фаридамды» аткаруудан мурда ырдын авторлорунан уруксат алдыңбы? – Чынын айтсам, эч кимден уруксат сурабай эле жаздырып алгам. Асылбек Өзүбеков агабыз ырдап жүрсө ошонуку экен деп, ал байкеден уруксат сурадым. Ал «ырдай бер» деген. Кийин обончу Тынарбек Амановдун балдары чалып «жакшы аткарыпсың» деген жылуу сөздөрүн айтышкан. Эч ким нааразычылык билдирген жок.
– Учурда «тойлордо кызмат кылгандар патент менен иштеш керек» деген мыйзамдын айланасында талкуу күч алып турган маал. Сенин көз карашың кандай? – Чет өлкөдө ишке жарамдуу ар бир жаран патент алып эмгектенет. Мыйзам дейбизби же милдет дейбизби, бул Кыргызстанда болуш керек деп ойлойм. Эмне жумуш аткарбайлы эмгек акыбыздын канча бир пайызын мамлекетке бергенибиз туура. Мен деле ырдап жүрүп тапкан каражатымдан мамлекеттин эсебине бир жылда 2 миң сом бергенден качпайм. Бирок мен азыр патент алууга каршымын. Себеби өлкөбүздө жемкорлук күчөп кеткен. Биз салык катары төлөгөн акчабыз мамлекеттин казынасына түшүп жатабы, жокпу деген суроо бар. Ал акчалар орто жолдон эле башкалардын чөнтөгүнө түшөрүнө 100 пайыз ишенем. Негизи рейд жүргүзүп, ырчыларды тойдо ырдап жаткан жеринен аңдыган жапайычылык. Телефон деген бар, чалып, кеңсеге чакырып кеңири түшүндүрүү жүргүзсө болот да.
– «Ырдын популярдуу болорун алдын ала сезгем» деп калдың. Туюу сезимиңе канчалык ишенесиң? – Ички сезим эле эмес, акыл таразасына да салып көрөм. Кээде түшүмдө аян берилет. Мисалы, 2 жыл мурун концертимде караңгы болуп, эл көзүмө көрүнбөй койгон. Анан концертимде чындап эле эл аз болгон. Дагы бир жолу эртең Таластан Бишкекке чыгам деген күнү шаарга жетпей калган түш көрдүм. Бир нерсе болуп кетпесин деп жай айдап келаткам. Кара-Балтага жеткенде жолдон дөңгөлөк жарылып кетти. Анан түшүмдө ушуну көргөн турбаймынбы деп калдым. Азыр шоу концерт тартуулайм деп жүрбөймүнбү, бул ирет да түшүмдө аян берилди. Буюрса, жакшы болот экен деп жоруп койдум.
– Сенин ысымың кино тармагында да угулуп жүрөт... – 2012-2013-жылдары «Дөөлөт» студиясында иштеп, ар кандай мультфильмдерде, тасмаларда үн коштоп жүрдүм. «Жашоо сүртүмдөрү» деген түрк сериалындагы Эткиндин үнүн коштогонумду көпчүлүк билбесе керек. Андан кийин «Чыңгызханда» Боорчу деген аскер башынын, «Аватар» тасмасында дарыгердин үндөрүн коштогом. 2015-жылы актёр катары «Апа, быйыл сөзсүз үйлөнөм» деген тасмада эпизоддук роль жаратып, тамашакөй, шок баланын образын ачып бергем. Бирок өзүм тасманы көрө элекмин, кинодогу каарманым жакпай калган.
– Актёрдук талантыңды улантып кетейин деген максатың барбы? – Чыгармачылыгымдын бир бутагы болгондуктан сунуш болсо баш тартпайм. Мага романтик жигиттин образын ачып берген жагат.
– Сөзүбүз жеке жашоо тууралуу болсун. Жүрөгүңдүн ээсин таптыңбы? – 2010-жылдан бери чыгармачылык менен жүрүп убакыттын өткөнүн байкабай калыптырмын. Кыз жандап, ага көңүл бурганга убакыт тар болду. Жашым 27ге келип калды. Мени түшүнгөн, ыймандуу, жылдыздуу кызга туш болсом дейм. Боёнуп, кашы-көзүнө татуаж кылгандар ойлоп жүрүшөт да сулуу болдук, мырзаларга ушинтип жагабыз деп. Мен эч качан татуаж кылып алгандарды көрүп «сулуу болуп кетипсиң же сага жарашат экен» деп суктанган эмесмин.
Алмаз Шаадаев: "Фаридамды" авторунан уруксат сурабай ырдагам"
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (35)
Shahrizaada
2017-10-31 14:37:44
Башкасы өлүп кетсин,татуажчандарга сонун сын болду.))
+33
Batma08
2017-10-31 15:04:24
Жакшы маек.
+2
erkeleim
2017-10-31 15:04:38
Айгул чоон эле аял экен баласындай эле болгон баланын шагын сындырып элге жарыялабай эле койсо болмок 100 доллар берген экен озу келиптир алпаруучу бол деп чакырбаптыр бироонун абийрин ачпа мусулман бир тууган
+16
Nanei
2017-10-31 16:45:24
erkeleim,карызын бербесе мусулманчылыка туура келип,элге жарыяласа мусулманчылыка туура келбей калавы.эки жыл бербей суйросо Айла жок айтканга туура келди да. Корот элем силерди,карыз берип анан алабай калсанар мусулманчылык,мейли деп тымпыйып жургонунорду
-5
Elitta
2017-10-31 19:56:59
Nanei,ХХХ койчу айланайын 3мин учун анчалык болбо и сен эмес болсон да айтам 3мин учун 1нун абийирин тогуп Элге жарыя кылганы мн куноого батып жатпайбы кызык адамсынго сенда 3минди Мен Кудай акыда жонле койотлем садага катары Айгул ХХХ
+5
ksb
2017-11-01 20:58:30
Elitta,3мин эмес 3тыйын алсан да беришин керек. 3мин бере албагандан кийин уйундо эле отурбайбы ырчы болбой эле.Айгул мыкты алып баруучу,ал диджей болуп баштаганда Алмазынар ХХХ болчу.Азыр баары акча,5минут убактын да акча.Ошого чыдасан ырчы бол,болбосон бир ХХХХ
-4
erkeleim
2017-11-02 00:18:54
ksb,айгулду алмаз аркылуу тааныдык ошода чоон эле аял экен ал диджей болуп жургондо алмаз пленкада жатса, баласындай балким небересиндейле болсо кк алмаз жаш жигиттин шагын сындырбайле койсо болмок((((
+3
admin_media
2017-11-02 10:40:35
ksb, этика нормаларын сактаңыз!
+1
nurhan2702
2017-11-03 13:10:59
erkeleim,туура айтасыз. Мен да инстаграмдан окуп алып жактырбадым. Элге жарыялабай эле озунчо чечишип алышса болмок.
+2
kansulu
2017-10-31 16:00:24
Не болгон айгулдун акчасы элдер
+3
erkeleim
2017-11-02 00:25:10
kansulu,алмаздын концертине озу барып кыргыз алпаруучусуна шерик болуп орусча алпарып берген катын 100 доллар берсе ыраазы болбой 3000 карыз деп журот супер жазган издеп корсонор башкы бет дегенден
+3
erkeleim
2017-11-02 00:25:54
erkeleim,суроту менен
0
gulzat85
2017-10-31 16:57:49
Такыр жакпайт ушул бала.ким барат концертине мен бекер болсо да барбайт болчумун.
-2
Nanei
2017-10-31 17:04:24
gulzat85,эн туура,Бекер жургучо ырчы болупалайын дегендерден.
+1
aidana07
2017-10-31 17:15:27
Ха ха)))) Эткиндин унун эстей баштадым. Э бирок сонун келтирип койгонсуз да;:;:)))))))))))))))))))))))
+4
Sezima89
2017-10-31 18:57:12
Мен сүйгөн ырчы ырлары аябай жагат таланттуу азаматсың Алмаз ийгилик.
+1
Nevestkaa
2017-10-31 20:31:48
Ырларын өзүн жакшы тааный бербейм.Бирок бирөөнүн баласын антип жаман сөздөр мн жазбагыла апасына атасына бир туугандарына катуу тийет.
+6
Aitun
2017-10-31 22:03:08
ХХХ карызыны берип артыны тазалап журда. Концертине адам келбесе Айгул куноолубу? Мен чынында буну тааныбайм деле. Биздин тойлор фаридамсыз эле отуп атат. Эми бербейм деп чечтим дегенине кыжырым келди. Ошол акчаны бербесен вообще ХХХ. Болгону 3000экенго. Сураса бермекмин дейт. ХХХ кызматынды кылгандан кийин суратбай эле берда. Алакага жок экенсинда значить. Этият болгула сураса берем деп бербей деле койот экенда
0
barakcha
2017-11-06 22:39:37
Aitun,айгулду алмаз чакырбаптыр го?Озу барып алып догурунганы уят эмеспи чоон эле катындын.
+1
alben
2017-10-31 22:44:17
Сопсонун бала болуп турат. Мен чыгармачылыгына ийгилик каалаар элем. Чын эле кайсы тойго барба Фаридам клип да сонун тартылган. Сен көрөалбагандардын коментарийлерине маани бербей чыгармачылыгыңды уланта бер. Молодец))
+8
mela
2017-10-31 22:55:59
Айланайын ХХХ любою эле карабайт го....Татуаждын баары бузулгандай суйлоптур....Идеальная внешность болсо ,кууратмак экен....
-9
Shahrizaada
2017-10-31 23:26:11
mela,кудай берген бойду, келбетти сындаганга акыбыз жок,абайланыз.
+9
bakyt9
2017-10-31 23:23:29
"Туулган жери – Нарын облусу, Ат-Башы району, Кара-Суу айылы
Туулган жылы, күнү – 1990-жыл, 11-сентябрь
Машыккан клубу – Кыргыз-Түрк «Манас» университети.
Рингке чыкканын саны – 25, анын 13үн нокаут менен жеңген" дегендей эле окулду мага
-1
datkayimjan
2017-11-01 14:36:10
Козуно, оозуна, кашына татуаж жасаткан кызды суйуп калсан экен ылайым)
-3
radostmoya
2017-11-02 13:48:14
datkayimjan,мен дагы газетадан окуп атайы коммент жазсйын дегем. Оозуңа карар сүйлөбөсөң башыңа түшө го. Айткандай эле,сөздөн кетип татуажы бар кызды сүйүп калса эле
-4
kyrqyz
2017-11-01 19:00:01
татуаж жасаткандар жаман еле болдунарго
+13
nurhan2702
2017-11-03 13:12:59
Азаматсын, мага Ысык-Колдогу ырын аябай жагат. Ишине ийгилик иним
+2
Комментарий калтыруу үчүн өз ысымыңыз менен кириңиз же каттоодон өтүңүз.
