Дилшат Кангелдиева, Кыргыз Республикасынын Эмгек сиңирген артисти: «БУЛ БИЗДИН ЭС АЛУУЧУ ҮЙҮБҮЗ»
Бүгүнкү каарманыбыз комуз менен ырдаганда суктана карап, талантына ыраазы болбогон жан болбосо керек. Мен кеп кылып жаткан ырчы Дилшат Кангелдиева Бишкектин чок ортосунда, эң кооз үйлөрдүн биринде 2 бөлмөлүү батирде жашайт. Биз менен чогуу ырчынын үйүнө саякатка жөнөңүз.
– Үйүбүз Бишкектин так ортосунда. Жаныбызда филармония, концерттер болгондо бат эле барып, бат эле келип калабыз. Терезеден көчөнү караганда кадимкидей эс аласың. Аллея, гүлдөр. Мындан башка жер тамыбыз, анан 3 бөлмөлүү батирибиз бар. Бул эс алуучу үйүбүз тойдон, коноктон келгенде бизге энергия берет. Жолдошум филармонияда «Камбаркан» фольклордук ансамблинде эмгектенет. Кээде ал дагы кеч келет. Үйдүн чарчы метрин 1200 доллардан сатып алганбыз. Жалпы аянты – 66 чарчы метр. Үйдүн пайдубалын тургузуу үчүн чуңкурун каза баштаганда эле акчасын төлөй баштаганбыз. Курулуп бүткүчө бүтпөй калбайбы деп бир топ сарсанаа болдум. Акчасын мен биринчи төлөп бүткөн экенмин. Үй толук бүткөндө тургундардын ичинен мага биринчи ачкычын тапшырышты. Кошуналарымдын баары атактуу адамдар. Бири журналист болсо, экинчиси коомдук ишмер дегендей. Жаш кезден бери үнөмдөп, чыгармачылыгымдын аркасы менен тапкан акчамды чогултуп жатып ушул үйдүн ээси болдук. Бул үйдө жеке менин салымым чоң десем да болот. КОНОК БӨЛМӨ-АШКАНА
– Конок бөлмө менен ашкана бир бөлмөдө жайгашкан. Чынында үйдөн көп тамак жасабайм. Кечкисин көпчүлүк күндөрү иш-чараларда, тойлордо болобуз. Анан да кыргыздар сөзсүз үйгө тамак-аш салып беришет эмеспи. Шашылыш болсо үйдүн алдыңкы кабатындагы кафеден тамактанабыз. – Интерьер хай-тек стилинде жасалгаланды. Терезе парда, диван, ламинат, кафель, обои, асма чырак менин табитим менен тандалды. Биринчи жолу баарын өзүм тандап жаткандыктан, бири-бирине айкалышпай калабы деп корктум. Интерьер толук жасалгандан кийин бир нече килем алып келип салдырып көрүп, ушул килемди жактыргам. Парданын бүтүшү 50 000 сом болду. Пардага атайын сыя өң коштургам. Бул менин сүйүктүү түсүм. Пардага өңдөш болсун деп ушундай түстөгү диван алгам, баасы 45 000 сом. Өтө кымбат эмерек албайм. Анткени алмаштырып турганды жактырам.
УКТООЧУ БӨЛМӨ
– Тойго, концерттерге чыгарда мени ушул бөлмө боёп, сулуулап узатат. Кайра келгенде тосуп алып, уктатат. Шифоньерде азыркы сезонго ылайык кийимдерим турат. Калган кийимдерим жер тамда. Уктоочу бөлмө бир аз караңгыраак болсун деп кара, ак обои алгам.
КИРЕ БЕРИШ
– Кире бериштеги бут кийим салуучу шкафта кир жуучу машинабыз да жайгашкан.
ЖУУНУУЧУ БӨЛМӨ
– Жуунуучу бөлмөнү да өзүмдүн табитимде жасайын деп ойлонуштуруп жатканымда, балам «мен тандап берем» деген. Балам экөөбүздүн табитибиз эки башка экен, менин оюмдагыдай чыккан жок.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (20)
dobrajelatel
2017-10-31 10:36:35
Мактанып алды.
+1
ainur78007
2017-10-31 10:39:49
Ак оргоонуз кут болсун.
+6
gulzat85
2017-10-31 13:47:45
Азаматсыз.мындай уйго качан жетем((
+5
Shahrizaada
2017-10-31 14:24:52
Өтө кымбат албайм деген пардасы 50 000го))
+1
Saidochka
2017-11-03 18:03:36
Shahrizaada,м актанганда адам ошентип суйлойт"арзан эле 50 000сом "деп;))
0
DAKS
2017-10-31 18:29:18
Кыргызымдын жакшынакай ырчы эжекелерибиз аман болушсун.
Орду барда козу барда сыйлай билели, булар чыныгы таланттар.
Азыр эркеке караганда аял киши кучтуурок брлуп калбадыбы,
анан албетте эже мандай тери мн тапкан ырыскысы мн болушуптур.
Кыргызстанда Уйлордун баасы чет олколордон кем калышпай баратат.
Экономикабыз минтип олтурса тапкан акчабыз жеп ичкенге жетпей же кийингенге жетпей, качан уйу жоктор уйлуу болоор экенбиз
+3
Nyuwa
2017-11-01 20:24:09
DAKS,ошентип мен дагы ойлонуп журом
+1
Sezima89
2017-10-31 19:10:11
Ушу жылдыздар эмнеге үйлөрүн мактанып чыгышат булардын үйлөрүн кимге кызыгы бар.
+3
svetochka
2017-10-31 23:07:25
Озунун акчасы кетип сатып алыптыр анын эмнеси бар экен эми. Бироо алып берди деседа соз кыласынар... Жакшы соз айта албайсынбы унчукпа деген туура соз озу чынында... Кудайым бизгеда сиздин уйунуздой уйду насип этсин. Уйунуздо жалан жакшылыктар болсун.
+3
Beise
2017-11-01 07:24:51
Жолдошундун деле салымы бар да тен тен себеби сени
менен жашайт ото мактанып коюптурсун го
+1
nargiza1986
2017-11-01 18:12:01
Тюль жакты сонун экен. Менда ушундай тюльдан тиктирбесемби
0
Varonin
2017-11-02 04:09:20
Уйунун ремонту аябай сонун болуптур. Ак оргонуз кут болсун. Мактанбаптыр журналисттер бааларын да айтыныз деп айтса керекда.
0
Aziyat
2017-11-02 05:43:46
Бул эжени башкача элестетчүмүн,өтө мактанат го.Биякта мен ыңгайсыз болуп кеттим.
+2
Beise
2017-11-02 19:13:04
Куйоосу тондук колдон Камбарканда иштейт куйоосунун аркасы да бул ийгилиги! Гулзат Байзаковага окшоп куйоонду кошуп суроту менен чыгарып мактансан жарашмак,жаккан жоксун!
-3
Arlenchik
2017-11-03 20:58:57
Сындашты кыйын билебиз а бирок ошондой сынга татыктуумунбу деп ойлобойбуз,бар нерсесин мактанса эмне экен? колунан эч нерсе келбей деле мактанып атышпайбы.
0
ayaza
2017-11-03 21:26:35
Мага жакты,сонун болуптур,ушл уйло кооп жакшы тойлорду откозунузю.
0
Birimdik5555
2017-11-04 12:06:24
Акжолтой уйлордон болсун,озунорго насип кылсын,Дилшат Кангелдиевадан да интервью алгылачы деп чанкап аттынар эле,эми минтип сындап жазганынар эмнеси?
0
Комментарий калтыруу үчүн өз ысымыңыз менен кириңиз же каттоодон өтүңүз.
Бүгүнкү каарманыбыз комуз менен ырдаганда суктана карап, талантына ыраазы болбогон жан болбосо керек. Мен кеп кылып жаткан ырчы Дилшат Кангелдиева Бишкектин чок ортосунда, эң кооз үйлөрдүн биринде 2 бөлмөлүү батирде жашайт. Биз менен чогуу ырчынын үйүнө саякатка жөнөңүз. 
