КЫРГЫЗ ТАСМАСЫ АНЖЕЛИНА ЖОЛИ ТАРТКАН ТАСМА МЕНЕН АТААНДАШУУДА

Белгилүү кыргыз кинорежиссёрлору Садык Шер-Нияз менен Актан Арым Кубат АКШнын Лос-Анжелес шаарында өтүп жаткан lll Дүйнөлүк Азия кинофестивалынын алкагында атактуу америкалык актриса Анжелина Жоли менен жолугушту. Аталган фестивалга актриса өзү продюсерлик кылган «Алгач алар менин атамды өлтүрүшкөн» деген тасмасын көрсөткөнү келген. Жолугушуу тууралуу фестивалдын негиздөөчүсү Садык Шер-Нияз:
– Дүйнөлүк Азия кинофестивалын 2015-жылы «Курманжан датка» тасмасы «Оскарга» жетпей калганда, Азия өлкөлөрүнөн келген режиссёрлорго жардам берүүнү көздөп негиздегенбиз. Ал эми Анжелина Жолинин продюсер катары тарткан тасмасы биздин фестивалга катышууда. Жоли биз менен жарым сааттай баарлашып кетти. Аны менен Голливуд жана Азия чөлкөмүнүн кинорежиссёрлору кызматташсак деген сүйлөшүүлөр болду. Аябай жөнөкөй жана жагымдуу айым экен. Кыргызстанда өтө турган Көчмөндөр оюнуна да чакырдым, «ойлонуп көрөйүн» деди.
Ал эми Актан Арым Кубат:
– Элдин баары «Анжелина Жоли менен биздин режиссёрлор жолугуптур» деп эле ызы-чуу. Жадакалса кыздарым да «Анжелина Жоли менен сүрөт салып жибериңизчи» деп суранып жатышат. Албетте, бул мактанарлык иш, бирок баарынан да кинонун «Меккеси» болгон Голливудда жөнөкөй кыргыз жараны фестиваль өткөрүп жатканына сыймыктанат экенсиң. Башында Садык «фестиваль уюштуралы» деп күпүлдөп жүргөндө эч ким мынчалык маани берген эмес. Азыр уюштурууну, фестивалдын деңгээлин көрүп көз сүйүнөт, ичиңде кандайдыр бир патриоттук сезим ойгонот экен. Мына ушундай иштер Анжелина Жолинин келгенинен да жогору коюлса дейт элем. Фестивалдын максаты – «Оскарга» талапкер боло турган тасмаларга жол ачуу. Дүйнөлүк Азия кинофестивалына мен тарткан «Кентавр» тасмасы Анжелина Жоли тарткан фильмге атаандаш болуп, бир номинацияда ат салышып жатабыз,- деп билдирди.

Садык Шер-Нияз Актан Арым Кубатты Голливуд жылдызына тааныштырууда.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (14)

jazdynaiymy

2017-11-07 10:58:33

Сонун да бул деген. Кыргыз киносу онугуп жатат)

+14

Dalil

2017-11-07 12:17:24

Меккеге салыштырбасаңар жакшы болмок.

+13

Uzakova.Z.A

2017-11-07 13:51:25

Молодцы

nur72

2017-11-08 01:46:12

жакшы ийгилик

kyrgyz-patriotu

2017-11-08 09:52:08

Мекени деп айтсанар, бир эле Мекке бар -ал Медина, голливуд эмес.!

Daiis

2017-11-08 12:47:39

Ийгилик Садык Шер Нияз азамат экен

mmdina2013

2017-11-08 14:01:43

Aktan baike jakshynakai ele kostum kiyip alsa bolmok eken(((

Bulak25

2017-11-08 15:36:50

сонун жанылык

islamik

2017-11-08 22:06:33

Анжелинанын номерин ала келгиле

Alman_kyshtut

2017-11-09 21:54:24

Жакшы жакшы биргеликте фильм жаратсанар Оскар сыйлыгына татый тургандай кылып

Kara-kulzha

2017-11-10 14:31:04

Шаардык кыз менен айылдык жигитти тааныштырып жаткандай элес калтыратго, Актан менен Жолинин жолугушуусу.

Benazir08

2017-11-11 02:21:58

Ким биро Пит мн ажырашканда КР га кел сени озум алам сени жакшы кором деди эле. Чамда жигит бир болсо Жолин келгидей туру бар. Жок дегенде ооозунан суйуп ал.

Amanchoo

2017-11-11 21:02:05

Benazir08,бороду эздин го чиркин:) :)

Amanchoo

2017-11-11 21:03:10

Азаматсынар ийгилик

Комментарий калтыруу үчүн өз ысымыңыз менен кириңиз же каттоодон өтүңүз.

№ 783, 3-9-ноябрь, 2017-ж.