БАКТЫГҮЛ БАДЫЕВА КЫЗДАРДЫ КЫШКА КИЙИНТЕТ
Ырчы Бактыгүл Бадыева акыркы учурда мода дүйнөсүнө сүңгүп кирип, орусиялык мода жана сулуулук боюнча эксперт, телеалпаруучу Эвелина Хромченконун курстарына катышып билим алууда. Бүгүн Бактыгүл кыздар үчүн кышкы образдарды сунуштайт.
КӨЧӨ СТИЛИ
– Моряктарга таандык жол-жол кийимди белгилүү дизайнер Коко Шанель алгач өзү кийип көрүп, анан кардарларына сунуштай баштаган. Мындай кофталар көк, ак, кара түстөгү скинни жынсылар, ак түстөгү бут кийим менен жакшы айкалышат. Бул – Сара Жессика Паркер, Камерон Диас, Кейт Мосс жакшы көргөн принттердин бири. Алар көчөдө ушундай стилде көп жүрүшөт. Ушул эле образды бир аз өзгөртүп, бийик такалуу бут кийим, пиджак кийип курбулар менен жолугушууга, туулган күндөргө деле барууга болот.
ЭКИ ИЙИНИ АЧЫК КИЙИМДЕР
– Эки ийини ачык свитерлер 2016-жылдан тарта актуалдуу болду. 2018-жылы да модадан түшпөйт. Азыр ийиндери ачык футболкалар, кече көйнөктөр, кофталар да модада. Жүндөн токулган свитерлерди ар кандай жынсы шымдар, жүндөн токулган юбкалар менен кийүүгө болот.
КОЧКУЛ КЫЗЫЛ ТҮСТӨГҮ КӨЙНӨКТӨР АЯЛДАРДЫН АЖАРЫН АЧАТ
– Кызыл менен күрөң түстүн кошулушунан келип чыккан кочкул кызыл түс – айымдардын сүйүктүү түсү. Бул өң көзгө толумдуу, көрктүү болуп, айымдардын ажарын ачып тургандыктан колго, моюнга чынжырча, шуру сыяктуу аксессуарларды тагынуунун кажети жок. Бир гана кулакка алтын түстөгү сөйкө жетиштүү. Андан сырткары бул өң чачы кара, күрөң кыздарга жакшы жарашат.
ВЕЛЬВЕТ, БАРКЫТ – КЫШТЫН ТРЕНДИ
– 2017-2018-жылдын модасында баркыт, вельвет жана велюрдан тигилген кийимдер өтө популярдуу. Кызыл, көгүш, ачык сыя түстөгү баркыт кийимдер модага кызыккан ар бир айымдын гардеробунда болот.
КЕҢСЕДЕ ИШТЕГЕНДЕР ҮЧҮН
– Кеңседе иштеген айымдар үчүн шым-костюмдар өтө ыңгайлуу. Чатыраш кездемеден тигилген кийимдер учурдун эң популярдуу кийимдери. Андыктан баш кийимден байпакка чейин чатыраш кийинүү мода, тренд, көркөмдүү. Бутту узун көрсөтүү үчүн эгер шымың кара болсо кара, күрөң болсо күрөң бут кийим кийүү зарыл.
КАРА ПАЛЬТО – БУЛ КЛАССИКА
– Классикага айланган кара пальто ар бир айымдын гардеробунда бар. Кара пальто каалаган түстөгү кийим, бут кийимдер, менен жарашат. Ачык өңдөгү жоолук, шарф, алынып, кайра тагыла бере турган мех жакалар менен кооздоо адамды көркүнө чыгарат.
БУЛГААРЫ КОШУЛГАН КҮРМӨЛӨР
– Ар бир айым жашоосун күрмөсүз элестете албайт. Бул кышта баркыт, чий баркыт, булгаары кесиндилери кошулган күрмөлөр модада. Андан сырткары ачык түстөгү күрмөлөр актуалдуу.
БОТФОРТЫ
– 2017-2018-жылы калың такалуу бут кийимдер модада. Тизени жапкан ботфорты кийсеңиз, модадан калбаган болосуз. Көйнөк, юбка менен кийүү айымдарды саркеч көргөзөт.
ЗАМША БУТ КИЙИМДЕР
– Замшадан тигилген жана өтүктүн башынан учуна чейин боосу бар бут кийимдер бул кыштын тренди. Эгер айым модага кызыкса, ачык түстөгү, ал эми 4-5 жыл кием десе кара, күрөң, боз, кочкул кызыл түстөгү бут кийим сатып алганы оң.
Сүйүн Кулматова
Адилет Бектуров
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
мен мода болуп аткан кийимдерге ээч кызыкпайм.Озуно жарашыктуу жана башкаларга жагымдуу болуп турса болду.Жыртык шым же ийини ачык кийим кийгенден уялам.
Бакуля молодец бизге аялдарга пайдасы тийген ишти баштаптырсын. Ийгилик.
bond02,уну жок, ырдатып не кыласынар. Ансыз деле ыргыткан ташын ырчымын дегендин башына тиет.
6мин сомдук сапоги кийбейсинерби не
Кочкул кызыл койноктон башкасы жакпады. Жарашыктуу эмес
Соонун экен, баарын кийип кордум
Билим алсада жарыя кылышат
Кыштын 30 градус суугунда кочкул тустогу койнок кийип журот экенбиз да ээ??! Кышка ылайык кийим коргон жокмун мен. Кышкы кийим коллекциясы десе ойлоптурмун го куртка-пальтолордун турун корсотот окшойт деп
Lekarstvosvoegomuja, кочкул кызыл койнокту кече койногу деп турат го. Менин да ушул тустогу койногум бар, кышында кафелерге ошону эле кийип барам. Сиз кафе, ресторанда андай койнок кийип барбайсызбы?!
Ботфорты жакты, еврозима экен. Пальто, куртканын ичинен сонун эле киесин да кышында деле. Кыш десе эле куртка шубаны элестетуу туурамес го)))
Конулго толо турчу эч нерсе корбодум
Пальто, көйнөкчөнү жакты....
Badyeva kyzdardy kyshka kyiyntet dese, baikush bei bechera kyzdarga jardam kylyp, kyshka kyiym keche alyp bergen okshoit dep oilop ketipmin , xa xa xaaaa.
Вельветтин кыргызчасы-Чийбаркыт болот.
Эркеле бутигинен ушул кийимдерди алыныздар)))
