реклама
Супер-Инфодо жарнама
SUPER.KG порталында жарнама
Реклама в Супер-Инфо
Реклама на SUPER.KG
Архив
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
semetei

БИЙИКТИККЕ КАРАЙ. ПАРКУРДУН ӨЗГӨЧӨ ТҮРҮ – РУФИНГ

№784 10-16-ноябрь, 2017-ж.


Бул өнөргө кызыккандар акыркы технология менен жабдылган спорт зал же кымбат металлдардан салынган турник аянтчасын коюп берсе да кызыкпастыр. Себеби алар үчүн бийиктик биринчи орунда. Жер шарындагы эң бийик деген имараттарда чимириле секирип жүргөн, көк тиреген курулуштардын кырынан жердегидей эле чуркап, ар кандай акробатикалык көнүгүүлөрдү аткарган спортчулар учурда популярдуу болуп жаткан чагы. Бул өнөр - паркурдун бир түрү саналган руфинг.

«ЧАТЫРДЫН ЧАП КЕНЕЛЕРИ»

Руфинг аталышы «roof» деген англис сөзүнөн келип чыгып, кыргызча «чатыр» деп которулат. Ал эми эң бийик делген имараттардын чатырында машыккан адамды "руфер" деп атап келишет. Руферлердин имаратка кулап кетпей жармашып чыкканын кене менен салыштырып, аларды «чатырдын чап кенелери» деп коюшат.
Руфинг чеберлеринин атагы чыгып баштаганынын бирден бир себеби – бул селфи. Себеби асман тиреген бийиктикке жөнөкөй адам жете алгыс жерине чейин барышкан шумдук сүрөттөрү интернет желесин бат эле каптап кеткен. Руфинг – бул көк тиреген имараттардагы воркаут же паркур. Бул өнөргө кызыккандар жерде эмес, дал ушул имараттарга чыгып, ар түрдүү машыгууларды жасашат. «Негизги максаты эмне?» деген суроолор көп жаралат. Руфинг адреналин издегендер үчүн.
Бийик жерде селфи кылууга ар кимдин кудурети жете бербеси жаш балага да анык. Баса айтып кетчү нерсе, коомдун көңүлүн бурдурган фото кадр үчүн бийик имаратка чыккандардын көпчүлүгү руфинг паркур же атайын экстремалдуу көнүгүүлөрдү жасашпайт. Алар үчүн башкысы жүрөк үшүн алган жерлерде селфилдеп алса гана болду.

КАЧАН ПАЙДА БОЛГОНУ БЕЛГИСИЗ

Руфингдин качан, кайда пайда болгону тууралуу да талаш-тартыштар бар. Кээ бир маалыматтарга караганда, чатырга чыгуу өнөрүнүн пайда болушу 1983-жыл делет. Бул жылы Сиэтл шаарындагы студенттик бир кече учурунда белгисиз 4 адам кече өтүп жаткан аймактагы бийик имаратка чыгып кетишет. Тартип сакчылары алардын изин таппай калышат. Мына ушул окуяны чагылдырган ММК өкүлдөрү чуу жараткан 4 адамды «чатырга чыгуучулар» (the roufers) деп айтышып, бул сөз кеңири колдонууга тараган.
Кай бирлери чатырга чыгуу өнөрүн фотографтар жараткан дешет. Себеби көк тиреген имараттын кыл учунан шаар архитектурасын сүрөткө тартуудан өзгөчө кадрлар жаралганын байкаган сүрөтчүлөр руфингдин негизин түздү деген пикирлер айтылат. Алгачкы руферлер булар кадимки эле фотографтар болсо, азыркылар ошол имараттарды жөн гана сүрөткө тартып койбостон, ал имараттын бооруна чап кенедей жабышып чыккан, эң төбөсүнө каккан казыктай тура алган эргулдар болуп чыкты. Алар мындай жөндөмү менен адам мүмкүнчүлүгү чексиз экенин ырастап келишет. Арабдар жер шарындагы эң бийик имаратты салуу менен дүйнөнү бир таң калтырса, руферлер ошол көк тиреген имараттын дубалдарында кадимки жерде жүргөндөй чуркаганы менен таң калтырып келишет.

СПОРТПУ ЖЕ ӨНӨРБҮ?

Учурда руфинг абдан талаш-тартышты, кайчы пикирлерди жаратып жаткан кези. Себеби руфинг менен эле бир убакта бир нече спорттун өкүлдөрү машыккандыктан алардын ар кимиси өз спортуна таандык дегендей пикирде болуп жатышат.
Дүйнөдө стрит воркаут (ачык асман алдында турник аянтчасында машыккан заманбап спорт түрү) кулачын жайып, аны менен машыккан адамды «турникмен» деп атап коюшат. Алардын кээ бири шаар ичиндеги ар кандай бийиктикте машыгышат, ал үчүн өмүрлөрүнөн ажырап калуудан да коркушпайт. Алар өздөрүн «экстрим турникмен» атап келишет. Стрит воркаут спортун КМШ аймагында тааныткан айтылуу украиналык спортчу Денис Минин руфинг бул өзүнчө спорт түрү катары саналышы мүмкүн деген пикирде. «Ким эмнеге мүмкүнчүлүгү жетсе, эмнени кааласа ошол каалоосу менен алектене берсин» дейт.
Дүйнөлүк паркур спортчуларынын арасында жалаң ушундай бийик имараттардын кылдай учунда мышыктан жеңил секирген өкүлдөрү бар. Аларды «экстрим паркур» деп атап келишет. Бирок канчалык аты талаштуу болгонуна карабай учурда «руфинг паркур» деген аталыш кеңири колдонулуп бара жатат.

ЖЫЛЫНА ОНДОГОН АДАМДАР КУРМАН БОЛУШАТ

Бул өнөр жүрөк үшүтүп, адреналин издегендер үчүн. Спортчу кенедей эле ката кетирсе өмүрүнөн айрылат. Алсак, бул спорт түрүнүн курмандыгы катары орусиялык дасыккан паркур чебери Павел Кашин аттуу жигитти айтса болот. Мыкты чебер катары саналган Кашин Санкт-Петербургдагы 16 кабат үйдүн дубалынан артка сальто аткаруу учурунда кулап кетип көз жумган. Ошондогу өмүрүнүн акыркы ирмеминдеги аткарган сальтосу сүрөткө түшүрүлүп, маркумдун ата-энеси башкаларга сабак болсун деп, ал сүрөттү атайын интернетке чыгарышкан. Дүйнө жүзү боюнча руфингдин айынан жылына ондогон адамдар имараттан кулап курман болушат.
Эң бийик имараттардын жогору жагы болгондуктан руферлер бийик имараттар курулган өлкөлөргө байма-бай каттап турушат. Өзгөчө Гонконг, БАЭ, Малайзия өңдүү өлкөлөрдүн имараттары ушундай талапта болгондуктан руферлер аталган жерлерге бат-баттан катташат. Натыйжада руферлер «чатыр туризми» деген туризмдин жаңыча түрүн жаратышты. Учурда АКШлык Киэ Вилсс, Жесси Ла Флер, орусиялык Олег Крикет, украиналык «Мустанг Вонтед» тобунун жигиттери тайманбастыгы менен дүйнөгө белгилүү болуп жаткан кези.

Руферлер интернетте бийиктиктеги укмуштуу сүрөттөрү менен популярдуу.


Эрлан Нурманбетов
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(6)
14.11.2017. 09:34 
Тайпасы:
Жаран
Комментарийлердин саны:
121
Катталган:
29-10-2013
Соӊку аракети:
25-11-2017 13:25
Жынысы:
Белгисиз
+22
Кыргызда мындайды"оту айрылгандар"деп коет))
14.11.2017. 20:15 
Тайпасы:
Жаран
Комментарийлердин саны:
10
Катталган:
06-11-2013
Соӊку аракети:
24-11-2017 16:05
Жынысы:
Белгисиз
+7
Оттун айрылып ,арка моюнун астында калгыр дейт десен.
15.11.2017. 21:44 
Тайпасы:
Жаран
Комментарийлердин саны:
4
Катталган:
29-08-2016
Соӊку аракети:
22-11-2017 23:12
Жынысы:
Белгисиз
+2
Biiiktikten korkom...
16.11.2017. 14:42 
Тайпасы:
Конок
Комментарийлердин саны:
1
Катталган:
30-10-2017
Соӊку аракети:
25-11-2017 10:13
Жынысы:
Белгисиз
+1
Ар кимдим кызыгуусу ар кандай дечи бирок аша чаап кеткендер да бар. Тынч эле жашай берели
18.11.2017. 13:24 
Тайпасы:
Жаран
Комментарийлердин саны:
25
Катталган:
17-12-2016
Соӊку аракети:
25-11-2017 12:15
Жынысы:
Белгисиз
+3
Молодцы бирок, Мага 1миллион $ берем десе дагы чыкпайт элем.
18.11.2017. 17:36 
Тайпасы:
Жаран
Комментарийлердин саны:
1
Катталган:
24-07-2017
Соӊку аракети:
24-11-2017 19:15
Жынысы:
Белгисиз
0
Ой тобоо эмне деген шумдуктуу ар кимдин кызыгуусу ар башка деген ушул тура
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макалага кирди:

Макалалардын саны:
19838;
 
Маалымат-маанайшат порталы
2006-2017 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: