103 КИЛОГРАММ САЛМАКТАГЫ ИСА ӨМҮРКУЛОВ КАНТИП 77 КИЛОГРАММГА ТҮШТҮ?
Кыргыз эстрада ырчысы Иса Өмүркулов эки жылдан бери Бишкек шаарындагы спорт клубдардын биринде бокс менен машыгып келет. Спорт менен машыккандан бери өзүндө көп өзгөрүүлөр болгонун да жашырган жок. Анда ырчынын машыгуусуна назар салалы.
– Мен мындан эки жыл мурун 103 килограмм салмакта болчумун. Өзүм жаш болсом, мындай салмакта жүргөнүм туура эмес деп фитнес клубга бара баштадым. Бирок менин салмагым азайбай эле, булчуңдарым чыга баштады. Жакындарым «cен күзөт кызматкериндей эле болуп калдың» деп тамашалашты. Спортто түшүнүгү бар адамдардан кеңеш сурасам «бокс менен машык» дешти. Боксто көбүрөөк кыймылдап денедеги ашыкча майлар кетет экен. Ошентип эки жыл мурун 103 килограмм болсом, азыр 77 килограмм салмактамын. Спорттун пайдасы – мыкты дене түзүлүшкө ээ болуу менен катар оорубайсың, өзүңдү ишенимдүү сезесиң.
ЧУРКОО – Машыгуу аптасына 3 жолу эки сааттан болот. Алгач булчуңдарды жибитүү үчүн 1 сааттай алдыга, артка жай ыргакта чуркайм.
ОТЖИМАНИЕ – Отжиманиени 30 жолудан 4-5 жолу кылам.
СКАКАЛКА – Скакалка секирүү бул арыктоонун эң жакшы методу. Секирген сайын ашыкча майлар кетет. Бетиңден баштап, бутуңдун манжаларына чейин арыктайсың. 2 мүнөт секирем, 1 мүнөт эс алам. 3 мүнөт секирип, 2 мүнөт эс алам. Ушинтип төрт жолу жасайм.
БРУС – Бруска 4 ирет 15-20 жолудан тартынам. Мурун колу-бутум апапак, жумшак болчу. Азыр кан тамырларым көрүнүп, булчуңдарым чыгып калды.
АРКАН – Арканды эки колго кармап силккенде бел, көкүрөк омурткаларга пайда. Бул көнүгүүнү 2 мүнөттөн 4-5 жолу жасоо жетиштүү.
ДӨҢГӨЛӨК АҢТАРУУ, БАЛКА МЕНЕН УРУУ – Дөңгөлөк аңтаруу, аны балка менен уруу булчуңдарды чыгаруу менен катар бел омурткаларынын бекемделишине жакшы. Мисалы, спорт менен машыкпаган адам бир кап унду көтөрсө бели ооруп калышы мүмкүн. Биздин организм андайга жол бербейт.
– Бокс боюнча Кыргызстан курама командасынын башкы машыктыруучусунун да кеңешин алып турам. Башында рингге чыкканда сүрдөгөм. Машыгуу бүткөндө «каалоочулар өзүнчө мушташа бергиле» дейт. Бирок мен кетип калам. Бирөө мени катуу уруп койсо, мушташып кетишибиз мүмкүн.
103 килограмм салмакта фитнес менен машыгып жүргөн кезим.
Сүйүн Кулматова Адилет Бектуров star@super.kg
Кыстарылган видео
103 килограмм салмактагы Иса Өмүркулов кантип 77 килограммга арыктады?
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (17)
bond02
2017-11-21 09:11:53
Мактанганды таштабадынар го эч эле.
-9
narime
2017-11-21 10:35:57
Бул мактангандык эмес!!!
Спорт бул ден-соолуктун булагы, спорттун пайда жактарын гана, айтып мисал келтириптир.
Азамат спорт менен такай машыгууга да, темирдей эрк керек!!!
+26
Di07
2017-11-21 11:46:07
Молодец Иса!теперь только вперед)
+7
Pandora
2017-11-21 11:55:19
Ар кимдин колунан келе бербейт.
+10
Akzholtoi_Zhamashbekova
2017-11-21 12:29:35
Сила воли!!!
+7
Nurmatova.
2017-11-21 14:00:32
Оой бироону арыктаташ керек эле...100кг карап кетип атат тым койсон (
+2
Shahrizaada
2017-11-21 15:24:18
Чыдамкайлык керек буга да. Азамат ишиңе ийгилик!
+4
daniel87
2017-11-21 16:11:32
Тура бул мактангандык эмес чынында салмак кошуш оной арыктоо ото оор нерсе !аркетке берекет ийгилик салмакты бирдей кармоо андан дагы оор ийгилик
+5
murat17
2017-11-21 17:52:13
мурун 103 кг болсо 77 кг арыктаган болсо анда азыр Иса Омуркулов 26 кг болуп калабы ээ туура жазганды уйронсок жакшы болмок
-11
orozova
2017-11-21 20:02:29
murat17,Азыр 77кл салмактамын деп туратгоо
+7
aiba-889290
2017-11-22 14:50:52
murat17,Туура окуганды эле уйронсок баары жакшы болот.Уят дагы болбойсун.
+11
rahali
2017-11-21 20:04:16
103 кг фигурасы жакты мага
+3
Birimdik5555
2017-11-22 01:09:18
Азаматсын,мактанбай эле жакшы кенеши менен болушуптур го
+2
gulaza
2017-11-22 03:12:20
Молодец красавчик, анча мынча ырчыларга караганда суйлоо грамматикасы озун алып журуусу ырлары клиптери менен айырмаланат, кымбат балуу ырчылардын катарына кошот элем
+2
kenje-888
2017-11-22 10:07:49
Молодец
+2
Den-i-noch
2017-11-24 10:19:26
Стронг деген комплексте машыгат го. Футболкасында жазылыптыр
+1
sarter-9301
2017-11-27 01:29:14
Красавчик эле деш керек. Спорт бул жакшы нерсе озуно ишенип журосун.
0
Комментарий калтыруу үчүн өз ысымыңыз менен кириңиз же каттоодон өтүңүз.
Кыргыз эстрада ырчысы Иса Өмүркулов эки жылдан бери Бишкек шаарындагы спорт клубдардын биринде бокс менен машыгып келет. Спорт менен машыккандан бери өзүндө көп өзгөрүүлөр болгонун да жашырган жок. Анда ырчынын машыгуусуна назар салалы. 
