ЖАМАЛ СЕЙДАКМАТОВАНЫН АЛАКАНЫНЫН ИЗИ "АТАКТУУЛАР АЯНТЧАСЫНА" ТҮШҮРҮЛДҮ

2012-жылдан бери уюштурулуп келе жаткан "Ак илбирс" улуттук киносыйлыгын тапшыруу аземи быйыл 7-жолу өткөрүлдү. Бул салтанат сыйлык тапшыруудан сырткары да кызыктуу окуялар менен коштолду. Кыргыз Республикасынын Эл артисти Жамал Сейдакматованын алаканынын жана бутунун изи "Манас" кинотеатрынын алдындагы "Атактуулар аянтчасына" түшүрүлүп, "Улуттук кино тармагына кошкон салымы үчүн" атайын "Ак илбирс" статуэткасы ыйгарылды. Буга чейин "Атактуулар аянтчасына" Болот Шамшиевдин, Геннадий Базаровдун, Мар Байжиевдин да алакандарынын изи түшүрүлгөн.

Кеп нугун сыйлык тапшыруу аземине бурсак, "Апамды издеп", "Саякбай", “Кентавр” тасмаларынын ичинен Актан Арым Кубаттын "Кентавр" тасмасы "Мыкты тасма" аталды. "Эркектин мыкты ролу" наамына Азамат Уланов "Апамды издеп" тасмасындагы ролу үчүн ээ болду.

"Элибиздин атактуу актёрлору менен бул номинацияга көрсөтүлгөнүм эле чоң жетишкендик. Номинанттардын тизмесин көрүп, сыйлыкка ээ болом деп ойлогон эмесмин",- деди жашыган Азамат Уланов. Ал эми "Аялдын мыкты ролу" наамын "Кентавр" тасмасындагы ролу үчүн Таалайкан Абазова алды. Андан сырткары кино тартуу майданындагы ар бир иштин мыктылары табылып, чет элден келген конокторго да атайын сыйлыктар ыйгарылды.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

Aikan1966

2018-05-08 10:57:59

Сыйлыгынар кут болсун

tokitok

2018-05-08 11:02:41

Бул изди эми майда чуйдолорго калтырта бербей эээн кыйындарга берсенер болбосо быжырап калат да баркы кетет.

+13

Batma08

2018-05-08 12:13:33

Оздорунчоле бир мамлекетда ушулар

ajarkina

2018-05-08 14:35:22

Бутун жон эле койбопсунарда

k.anara

2018-05-08 23:10:00

Ушу Жамал Сейдакматованы корсом эле бир башкача боло тушом.Ооба анын актерлук чеберчилик,аракетинде соз жок.Бирок ушу Таттыбубу Турсунбаевага байланыштуу созду коп айтышкан учунбу ичим жылый бербейт негедир.

klarisa

2018-05-09 10:38:04

k.anara, туура айтасыз. Мен да ошого байланыштуу сөз уккандан бери ичим жылыбайт.

Комментарий калтыруу үчүн өз ысымыңыз менен кириңиз же каттоодон өтүңүз.

№ 809, 4-май -10-май, 2018-ж.