КӨЧӨ ЖАНА БУЛАККА ГҮЛБҮ ОРОСКУЛ КЫЗЫНЫН ЫСЫМЫ КОЮЛДУ

Гүлбү Ороскул кызынын ысымы өзү туулуп-өскөн айылдын көчөсүнө ыйгарылды.Тактап айтканда, Жалал-Абад облусунун Аксы районуна караштуу Авлетим айыл өкмөтүндөгү борбордук көчөлөрдүн бири Гүлбү Ороскул кызынын ысымын алып жүрө турган болду. Ырчынын кызы Айзуура Иманалиева төмөндөгүдөй маалыматтар менен бөлүштү:

"Апам төрөлүп-өскөн айылдын көчөсүнө ысымы берилип жатканына кубандым. Бул идея үй-бүлөбүздүн ичинен чыккан болчу. Бул көчө аркылуу төрт айылга унаа каттайт, жайлоого да ушул көчө менен кетишет экен. Таенем менен таякемдер барып шагыл төгүп жарыктарды орнотуп келишти. Ачылышы жакында болот. Андан тышкары апам каза болордо айылдагы булакты эле кечке айтып калган эле. Ошол булак да корукка алынып апамдын аты менен атала турган болду. Айылдагыларга бул сунушту айтышканда баары колдоп беришиптир, токтом чыкты. Мыйзамдуу түрдө булак да апамдын атын алып жүрө турган болду".

Эскерте кетсек, Гүлбү Ороскул кызы 2017-жылдын 6-октябрында 40 жашында каза болгон.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Jakjakynas

2018-09-04 12:01:07

Чиркин дуйно арман коз жаш

fanatka19

2018-09-05 00:23:06

Гулбу Ороскул кызы деген жазууну окусам журок зырп этет, наам алгандарды коруп аттин Гулбу эже болгондо дедим,Кырчында жургондорду коруп аттин дедим, дегеле мен учун бул аттин армандын тубу буто турган эмес айла жок тура. Айылдаштарына рахмат колдоп беришкендерине арбагы ыраазы болсун,аманчылык болсо ошол булака барып жуз чайып келеермин.

Urmat7055

2018-09-06 10:00:26

Жаркылдаган жан эле

Комментарий калтыруу үчүн өз ысымыңыз менен кириңиз же каттоодон өтүңүз.

№ 826, 31-август-6-сентябрь, 2018-жыл