СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
"Ак кеме”, Эрте келген турналар”, “Бөрү зындан” сыяктуу легендарлуу тасмаларды тартып, "Кыргыз кереметин" жараткандардын бири таланттуу режиссёр Болот Шамшиев уурулардан жапа тартты. Ал 8-ноябрь күнү Бишкек шаарындагы Свердлов райондук ички иштер бөлүмүнө Мерседес-Бенц үлгүсүндөгү унаасын белгисиз адамдар уурдап кетишкендиги тууралуу арыз менен кайрылган. Иликтөөнүн натыйжасында режиссёрдун жоголгон унаасы Чүй облусунун Молдовановка айылынан күйүп кеткен абалда табылган. Режиссёр бул ишти уурулар эмес, өзүнө кара санаган адамдар кылды деген ойдо. Ага байланышканыбызда: "Короодо турган машинамды оңой эле ачышып, айдап барып өрттөп салышыптыр. Болгону дөңгөлөктөрүн эле алышыптыр, ал көп деле акча эмес да. Андыктан муну мени жактырбай жүргөндөрдүн колунан эле келди деп ойлоп жатам. Машинам көп жылдан бери мага кызмат кылып келген. Чыңгыз Айтматов анын документтерине жардам берген болчу. Мындайча айтканда, улуу адамдан мага эстелик катары калган. Шектенип жаткан адамдарым бар. Табылат деп ойлоп жатам",- деп билдирди.