ДЫЙКАНДАРГА НАСЫЯ КАЧАН, КАНЧА ПАЙЫЗДАН БЕРИЛИП БАШТАЙТ?

“Айыл чарбасын каржылоо-7” долбоору 2019-жылдын жазгы талаа жумуштарын өз убагында жүргүзүүгө багытталган. Ошондой эле мал чарбачылыгын, өсүмдүк өстүрүүнү жана айыл чарба продукциясын иштетүүнү колдоо максатында ишке ашырылат. Долбоор 2019-жылдын февралында иштеп баштайт. Аны ишке ашыруу мөөнөтү 60 айга созулат.

ЖЫЛДЫК ҮСТӨГҮ 6 ПАЙЫЗДЫК НАСЫЯНЫ КИМДЕР АЛА АЛАТ?

Долбоордун алкагында сүт, эт, жүн, бал, балык, жашылча (сарымсак, пияз, помидор, картошка), жемиш (уруктуу, данектүү), мөмө (малина, кулпунай, карагат), техникалык өсүмдүктөр (пахта, тамеки), төө буурчак сыяктуу артыкчылыктуу багыттарга жана айыл чарба продукциясын кайра иштетүү тармагына жылдык үстөгү 6 пайыздык насыялар берилет.


ЖЫЛДЫК ҮСТӨГҮ 8 ПАЙЫЗДЫК НАСЫЯ КИМДЕРГЕ БЕРИЛЕТ?

  • Бак өстүрүү жана токойчулук менен алектенгендерге;
  • Күнөскана чарбасын иштеткен жана тамчылатып сугаруу тутумун киргизүүнү өнүктүрүүнү максат кылгандарга;
  • Асыл тукум мал же жасалма жол менен уруктандыруу жабдууларын сатып алуучуларга.

ЖЫЛДЫК ҮСТӨГҮ 10 ПАЙЫЗДЫ ТҮЗГӨН НАСЫЯ

"Мал чарбачылыгы" жана “Өсүмдүк өстүрүү” тармактары үчүн белгиленген.

Насыянын мөөнөтү 36 айдан ашык эмес. Ал эми бак өстүрүүчүлүккө, токойчулукка, үрөн өстүрүү жана асыл тукум мал чарбаларына, жаңы түзүлүп жаткан тамак-аш, кайра иштетүү ишканаларына, күнөскана чарбасын жүргүзүүгө, тамчылатып сугаруу системин киргизүүгө берилүүчү насыялардын төлөө мөөнөтүн 60 айга чейин белгилөөгө уруксат берилет.

Айыл өкмөтүнүн жазуу жүзүндөгү сунушу болсо жеке насыялар 150 миң сомго чейин, топтук насыялар 500 миң сомго чейинки өлчөмдө 18 айга чейин күрөөсүз негизде берилиши мүмкүн.

Жеңилдетилген убакыт: карыздардын негизги суммасын төлөөдөн 6 айга чейин толук бошотууга уруксат берилет.


Асыл тукум малга т
өмөнкүдөй породалар кирет:

  • Бодо мал (ала тоо, карала, аулие-ата, голштин, жерсей, симменталь, айшир, герефорд, голланд, ярослав, холмогор, күрөң швиц уйлары), топоздор жана жылкылар;
  • Кой (уяң жүндүү, тянь-шань жарым уяң жүндүү, алай, гисар жана меринос).

Бул тармакта иштегендер ушул долбоордун алкагында бир адамга 3 миллион сомго чейин насыя ала алышат. Асыл тукум мал жана жасалма жол менен уруктандыруу үчүн мал же жабдууларды сатып алып жаткандар 10 миллион сомго чейин кредит ала алышат.

Өз ара келишимдери бар иштетүүчү ишканалар менен продукция өндүрүүчү ишканаларга да артыкчылыктар каралат.


Насыя алуу үчүн керектелүүчү негизги документтер:

  • Насыя алуу үчүн арыз
  • Паспорттун көчүрмөсү
  • Айыл өкмөттөн үй-бүлөсү, үлүш жери, мал жандыгынын саны боюнча маалым кат, нике тууралуу күбөлүктүн көчүрмөсү
  • Күрөөгө коюлчу мүлк (кашар, үй, жер жана башкалардын документтери)
  • Салык инспекциясынан жана социалдык фонддон карызы жок деген маалым кат

Булардан башка кээ бир банктар кошумча документтерди да талап кылуусу мүмкүн.


«НАСЫЯ 9 БАНК АРКЫЛУУ БЕРИЛИШИ МҮМКҮН»

Элдияр Доолбеков, Кыргыз Республикасынын Финансы министрлигине караштуу бюджеттик насыяларды башкаруу боюнча мамлекеттик агенттигинин Өнөр жай жана ишкердиктин насыяларынын башкармалыгынын башчысы:

– Каржы министрлигине «Айыл чарбасын каржылоо-7» долбоорун ишке ашырууга катышуу боюнча өтүнүчү менен 9 банк кайрылган, алар:

“Айыл Банк” ААКсы,
“РСК Банк” ААКсы,
“КЫРГЫЗСТАН коммерциялык банк” ААКсы,
“Оптима Банк” ААКсы,
“Кыргыз инвестициялык - кредиттик банкы” ЖАКсы (KICB),
“Бакай банк” ААКсы,
“Халык Банк Кыргызстан” ААКсы,
“Капитал банк” ААКсы,
“Финансы кредит банк” ААКсы.

Учурда аталган банктар менен жалпы суммасы 5 миллиард 300 миллион сомду түзө турган тиешелүү келишимдерге кол коюу боюнча иштерди алып барып жатабыз.

Банктар 2019-жылдын февраль айынан тартып дыйкандарга аталган долбоор боюнча жеңилдетилген шарттары менен насыяларды берип башташат. Долбоордун максаттуу тармактары болуп төмөнкү тармактар эсептелет:

- өсүмдүк өстүрүү;
- мал чарбачылык;
- айыл чарба продукциясын иштетүү.

Канымжан Усупбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (5)
tyrgon
2019-02-25 10:42:05
Дыйкандар алалбайт бул кредитти жалан гана айыл окмотто иштегендер жакын туугандары алышат алам деп барсан 2 ай документ чогултасын анан кутосун дагы 2 ай анда Эмне кереги бар бул кредитти аталышы тура эмес "айыл окмотту жана анын туугандарын каржылоо" деп жазып алгыла.
+9
Kroxa
2019-02-26 23:21:03
Ким билет
.
+1
Flowhive
2019-02-28 14:39:36
Ошол асыл тукум мал канча сом турарын биле албай калдым
0
Mister-X
2019-03-01 20:34:06
Бул кредит байлар учун гана.Дыйкандарга жетпейт.
+1
Duishonbek
2019-03-01 22:07:40
Өкмөттүн бул аракети жакшы. Качан өнүккөн өлкөлөр сыяктуу электрондук тейлөөгө өтөбүз? Банктар салык кызматынан, соцфонддон жана мамкаттоодон элди убара, чыгым кылбай эле кардар жөнүндө маалымат алса жемкорлуктун үч акыры оодарылмак.
+1
№ 851, 21-27-февраль, 2019-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА