БИР БҮРКҮМ. ОКУУЧУНУ УНАА СҮЗҮП КЕТТИ...

Бишкекте айдоочу жеңил унаасы менен 11 жаштагы мектеп окуучусун сүзүп кетти. Бала ооруканада.
Өзбекстан бир аптадан бери Кыргыз өлкөсүнөн барган цементти өткөрбөй жатканын депутат Азамат Арапбаев айтып чыкты.
Өкмөт: Жеткиликтүү турак жай 2015-2020" программасын ишке ашырып жаткан Мамлекеттик ипотекалык компанияга 500 миллион сом бөлүндү.
Ысык-Ата районунда 4 жашар бала каналга түшүп кетип каза тапты.
Боом капчыгайы таштарды атайын кулатуу иштеринен улам 20-майдан 24-майга чейин маал-маалы менен жабылып турат.
УКМКнын кызматкери 50 миң сом пара алып жатып кармалды.
Быйыл өлкөдө миңден ашык эне "Баатыр эне" ордени менен сыйланды.
Өлкөдө расмий катталган жумушсуздардын саны 81 миң 200 адамды түздү.
Кыргызстанда 2 миң 265 мектеп иштейт. Бул тууралуу Билим берүү жана илим министрлигинен билдиришти.
Кыргызстанда кулчулук курмандыктары баш калкалай турган жай курулат. Бул тууралуу Мамлекеттик миграция кызматы билдирди.
5-июндан 6-июлга чейин Кыргызстанда мектептер алдында 674 лагерь иштейт. Бул тууралуу Билим берүү жана илим министрлигинен билдиришти.
Президент Сооронбай Жээнбеков 31-майда Мекке шаарында өтө турган Ислам кызматташтык уюмунун 14-саммитине катышат.
Кыргыз өлкөсүнө 12-июнда Монголиянын президенти Халтмаагийн Баттулга, 13-июнда Кытайдын төрагасы Си Цзиньпин келет.
Футбол боюнча Кыргыз курама командасы 2019-жылдын 11-июнунда Бишкек шаарында Палестина менен беттеш өткөрөт.
Нарындагы памирлик кыргыздар аларга жер жана үй бөлүп берүүнү суранышат. Бул тууралуу алар мамлекеттик органдардын өкүлдөрү менен болгон жолугушууда айтышты.

Кубан Жумамидинов
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 864, 23-29-май, 2019-жыл