“АЛАЙ” “ДОРДОЙДУ” ЖЕҢИП АЛДЫ

Кыргыз Премьер-Лигасынын алкагында 19-майда 7-турдук оюндар болуп өттү. Анда Бишкекте учурдагы чемпион “Дордой” Оштун “Алай” командасын кабыл алды. Дөлөн Өмүрзаков атындагы стадиондо өткөн оюн күйөрмандардын купулуна толду. 90 мүнөт ичинде командалар 7 гол киргизгенге жетишти.

Оюн жүрүшүндө башкы калыс Тимур Файзулин 3 жолу “Алай” командасынын дарбазасына пенальти койду. Анын экөөсүн “дордойчулар” киргизишсе, бирөөсүн Землянухин жаза басты. “Алай” буга 4 голу менен жооп берип, 4:3 эсебинде жеңишке жетише алды. Муну менен “Алай” 7 оюнда 16 упай топтоп, турнирдик жадыбалда 1-орунга көтөрүлдү.

Калган оюндарда “Абдыш-Ата” конокто “Нефтчини” 2:0 эсебинде жеңсе, “Илбирс” “Алганы” 2:1 эсебинде утуп алды. “Кара-Балта” өз үйүндө “Лидерди” 1:0 эсебинде жеңип, сезондогу алгачкы жеңишине ээ болду.

Адилет Керимбек уулу
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Tyty1990

2019-05-29 15:36:20

Алай

Комментарий калтыруу үчүн өз ысымыңыз менен кириңиз же каттоодон өтүңүз.

№ 864, 23-29-май, 2019-жыл