МИЛИЦИЯНЫН АЛЫ ЖЕТПЕЙ, ПОЛИЦИЯ КЕЛЕБИ?

Кыргызстанга сырттан полициялардын киришине каршы болгондор кечээ Бишкек шаарында митинг өткөрүштү.
19-июль күнү ИИМдин өкүлү Шамшыбек Мамыров “кыргыз тарап ЕККУнун (Европадагы кызматташтык жана коопсуздук уюму) полиция күчтөрүн кабыл алууга даяр” деп билдирген. Ага чейин аталган уюмдун кеңеши Кыргызстандын Ош жана Жалал-Абад облустарына 52 полицияны жөнөтүү чечимин карап чыккан. Анда орус тилин билген полициялар тандалып, алар 4 ай бою иштешет. Чет жердик полициялар бул убакыт аралыгында кыргыз милициясын окутуп, абалга байкоо жүргүзүшөт.
Бирок башка өлкөлөрдүн полиция кызматкерлеринин Кыргызстанга киришин акыйкатчы Турсунбек Акун менен Ош шаарынын мэри Мелис Мырзакматов колдобойт. Алар “өлкө өзүнүн күчү жана кадыр-баркы менен ички маселелерди чечүүсү зарыл” дешүүдө. Ошондой эле бул аптада шайлоого катышуу үчүн отставкага кеткен Исмаил Исаков: “Мен мындай чечимге каршымын, анын үстүнө түштүктөгү кырдаал турукташып калды”,- деди.
Мындай талаш-тартыштын келип чыгышына БУУнун адам укуктары боюнча жогорку комиссары Нави Пиллайдын кыргыз күч органдарынын ишин сынга алганы да себеп болгон. Ал укук коргоочулардын маалыматына таянып, учурда өзбектер тартипти сактоо органдары тарабынан куугунтукка алынып жаткандыгын айткан. Бирок эмнегедир кыргыздар жабыркаса да, укук коргоочулар аларга көңүл бөлүшпөгөндөй маанай калтырат.
Байкоочулардын айтымында, полиция кызматкерлери келсе, абал ого бетер курчуп кетиши мүмкүн. ЕККУнун акыркы жообу Вена шаарында 22-июлда өтүүчү жыйында берилет.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

Debi

2010-07-27 10:15:03

Каршы болгондордун баарынын себептери жүйөлүү. баары жайына келип баратканда келип, биздикилерди "үйрөтүп" анан биз Кыргызстанда ушинттик дегилери барбы? биздегилер билбеген эмнени билишет экен алар, эмнеге оздорун кыргыздардан кыйын сезип жатышат? Коруп жатабыз го эл аралык укук коргоочулардын деңгээлин. Укук коргоочу деген атка кимиси арзып жатат? Алар кылганды биздин айылдагы ушакчы кемпирлер да кылышат.

Debi

2010-07-27 10:16:17

Адегенде, Өзбекстандагы кыргыз, тажиктердин канча жылдан бери тебеленип келаткан укуктарын коргошсун, анчалык эле коргогуч болушса. анан ошонун жыйынтыгын коруп, иии дейли.

PaxaT

2010-07-27 14:31:46

"Олко озунун кучу жана кадыр-баркы менен ички маселелерди чечуусу зарыл" бул эн туура.Эмне болсо эле "берип койчу" деп суранган жаман кошунадай болуп баарын жадатып бутмой болдук

Akjol

2010-07-27 15:31:08

Мен каршымын сырткы полиция келишине,алар келсе точно без предел башталат,Кыргыздарды аяп коймок беле алар.Озубуздун милиция да жакшы карап жатышат.Тем боле эми тынчып калганда келбейле койгону жакшы.

Мираж

2010-07-27 15:35:43

Рахат, оюнузга кошулам ;)

inna

2010-07-28 10:03:46

Meni oilondurgani ozbek menen kirgiz eli chogu jashai albait eken Osh obl.ozbektege bolup berish kerek dese emne bolot?Otunbaeva kaisil jakti karap olturat ;(

Tony Ka

2010-07-28 15:55:57

Otunbaeva da kuturup ba6tagan go?

mikasa

2010-07-28 18:09:01

ушу этегибизди ача берип бутподук го.

Wonderfullgirl

2010-07-28 22:53:16

Эмне Кыргызстан общий дом болуп калдыбы анысы да келип кирип кете берет, мунусу да келип кирип кете берет , мамлеккеттин бир да белгиси жок . Государство дегендин озу жок баягы эле жегичтер , эч бири эл учун жери учун иштегиси келбейт. Ушул 2 жылдын ичинде бир нерсе озгорушуно козум жетпейт .Кыргызстанды только жаштар тургузушат дешет же жаштар корунбойт , дагы кандай сыноолор кутуп жатат кыргыз элин.

Ceed

2010-07-30 11:12:39

Жанагы чет элдик кинолордо дайыма окуя буткондон кийин келишет го полициялар, так ошонун озу болуп калыптыр!

Taalai

2010-07-31 19:44:28

Dеdi. Мен сага кошулам алар узбекстанга барып ал жактагы кыргыздардын укугун коргоп корсун анан коробуз!

ylduska

2010-08-01 23:56:14

Менимче алар кирип алып оз билгенин жасап озубузго эле душман болуушу мумкун, а эгерде бироосун эле олтуруп жэ бир деме кылып койсо кыргыздар кылбаса да бут дуйного баягы кыргыздар деп жаматты болобуз негизи мен дагы карышымын, биз карайлап турган 11..........16 июльдарда киргизишпейт беле бизге жардам бергилери келишсе? Азыр кичине тынчып калганда биздин чондор акылы менен иштесе, Кыргызстандагы кырдаалды женип кетебиз. КУДАЙЫМ БУЮРУСА!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 403, 23-29-июль, 2010-ж.