РАХАТ-ЛУКУМДУ КИМ ОЙЛОП ТАПКАН?

Рахат-лукум – чыгыштын эң белгилүү таттуусу. Түрктөр аны “локум” деп аташат. Аны XVIII кылымдын аягында Али Махидин Бекир аттуу түрк кондитери султандын буйругу менен ойлоп тапкан. Ал ысык кант сиробун сууда эриген крахмал менен аралаштырып, аралашманы түбү майланган идишке куйган. Аралашма каткан соң аны кесимдерге бөлүп кесип, үстүнө кант пудрасын себелеген.

Кийин локумдун даамын арттыруу үчүн ага жаңгак, мисте, лимондун сүргүчтөн өткөрүлгөн кабыгын, жемиштерди жана шоколадды кошо башташкан. Али Махидин өзү ойлоп тапкан таттуусу менен элге белгилүү болуп, Стамбулда локум сатчу дүкөн ачкан. Учурда ал дүкөнгө анын урпактары ээлик кылат. Локум Түркиядан акырындап башка өлкөлөргө тарай баштаган.

koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

nazira1989

2019-05-30 12:59:27

Жакшы коруп жейм..)

nuraiym_kenzhebaeva

2019-05-31 06:46:02

Мага аябай жагат

Комментарий калтыруу үчүн өз ысымыңыз менен кириңиз же каттоодон өтүңүз.

№ 864, 23-29-май, 2019-жыл