ЖАҢЫ СМАРТФОНДОРДО АКЧА УУРДАГАН ВИРУС ПАЙДА БОЛДУ

Android системинде иштеген смартфондордо акча, жеке маалыматтарды уурдаган Triada вирусу пайда болду. Бул тууралуу чет элдик маалымат каражаттары жазып чыгышты.

Маалыматка таянсак, мындай вирусту хакерлер смартфон сатылганга чейин эле ага орнотуп коюшу же колдонуучу программаларды жаңылоо учурунда орнотулуп калышы мүмкүн. "Смартфон өндүргөн компаниялар программалык камсыздоо үчүн ар кайсы ишканаларга кайрылат. Алардын арасында программаны орнотуп жатканда эле вирусту чогуу кошуп койгондор болууда",- дешет Google компаниясынын адистери. Бирок сөз кайсы үлгүдөгү смартфондор тууралуу жүрүп жатканы ачык айтылган эмес.

Эл аралык банктардын, онлайн-дүкөндөрдүн жана PayPal, Western Union, eBay, Skype, WhatsApp тиркемелерин колдонгондор Triada вирустарынын курмандыгы болуп калышы мүмкүн.

Дамира Арстанова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 867, 13-июнь - 19-июнь, 2019-жыл