Айгүл Чалова: «ДИСКТИН АЙЫНАН КӨП УЯТ БОЛОМ»

Ий, бетим...

– Бир жолу концертке шашып барып калдым. Үйдөн чыгып баратып, баарын эле салып даярдагандай болгом. Концертте бир маалда эле алпаруучу “Алдыңыздарда жаш ырчы Айгүл Чалова” деп чакырып калды. Ошондо гана диск эсиме түшүп, сумкамды казып кирдим. Сумкамда косметикамдан башка таш балакет жок. Анан эмне кыларымды билбей сиңдиме телефон чалып, ага болгон үнүм менен бакырып кирсем болобу. Музыканттар мени карап эле калышты. Сахнага чыкпай коёюн десем, элдер кол чаап күтүп жатышат. Анан бир аз кечигип, жандуу үн менен бир ыр ырдадым. Негизи, ал концертте 2-3 ыр ырдамакмын. Ошентип, конок болуп келе бердим.
Бир жолу да абдан уят болгом. Бир эле ырымды эки вариантта жаздырып алган элем. Бирөөндө кайырма менен, экинчисинде куплеттерди катар ырдаган варианты болчу. Дискти кантип адаштырып берип салганымды билбейм. Кайырмасы бар ырды ырдаганга даярдангам элем. Бир маалда эми кайырмасын созолонтуп баштасам, кашайып дисктен экинчи куплет башталып кетти. Ошондо бетим кызарып уят болгонумду сураба. Көрүүчүлөр да түшүнбөй мени карап калышты. Ушул окуядан кийин мындай нерселерден абайлап калгам.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

avatar

2010-08-02 11:30:41

Азаматсын :)

dekg

2010-08-03 03:17:43

eee yrchylar yrchylar kachan fonogr-r tugonot

nurzat

2010-08-03 18:03:25

кызык 1 ырды оз уну м-н ырдаган 2-3 ырды ырдай албай калабы?

Repus

2010-08-04 10:30:21

Ооба оздору ачык эле айтып жатышпайбы, фонограммасыз ырдай албайбыз деп, 2 ырды оз уну менен ырдай албагандан кийин ким буларды ырчы деп эсептейт, ооз кыймылдаткан солокот булар, эч талант жок.

Elmira

2010-08-19 23:22:44

eee de kep bul jakta turbaybi.Kyrgyzstanda ak4an bolso irdap 4iksan bolot eken da anda,kompyuterden ondop koyup.algan ak4anardi aktabaysinarbi?

Комментарий калтыруу үчүн өз ысымыңыз менен кириңиз же каттоодон өтүңүз.

№ 404, 30-июль - 5-август, 2010-ж.