КАНАТБЕК МАМАТОВ АФКнын СОЦИАЛДЫК ЖООПКЕРЧИЛИК КОМИТЕТИНИН ТӨРАГАСЫНА ОРУН БАСАР БОЛДУ

Азия футбол конфедерациясынын (АФК) аткаруу комитетинин ушул жылдын 2-июнундагы жыйналышында Кыргыз Республикасынын Футбол федерациясынын президенти Канатбек Маматов АФКнын социалдык жоопкерчилик комитетинин төрагасынын орун басары болуп дайындалды.

АФКнын социалдык жоопкерчилик комитети – АФКнын туруктуу комитети, конфедерациянын саясатынын негизги тармагы жана маанилүү бөлүмү.

АФКнын башкы катчысы Дато Виндзор өзүнүн куттуктоо катында Канатбек Маматовго куттуктоо сөзүн айтты: “Сиздин тажрыйбаңыз, профессионалдуулугуңуз жана колдооңуз жаңы кызматта АФКнын өнүгүүсүнө салым кошот деп ишенем. Жаңы кызматыңыз менен куттуктайм жана сиз менен иштешүүдөн көптү күтөм",- дейт Виндзор.

Эске салсак, федерациянын президенти Канатбек Маматов АФКнын аткаруу комитетинин мүчөсү. Борбор Азия футбол ассоциациясынын (БАФА) акыркы жыйынында анын талапкерлигин БАФАнын мүчөлөрү колдогон. Ал аталган уюмга кирген 6 өлкөнүн кызыкчылыктарын көрсөтүп жана коргоп келет.

Кубан Жумамидинов
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

asdef

2019-07-29 12:57:35

Точно Самара мн Анжеликадан калышпай калыптыр))))

Комментарий калтыруу үчүн өз ысымыңыз менен кириңиз же каттоодон өтүңүз.

№ 873, 25-31 июль, 2019-ж