ДЕНЕНИН БИЗ БИЛБЕГЕН СЫРЛАРЫ

Бул кеңештерди врачтар жана окумуштуулар сунушташат. Мунун жардамы тиерин же тийбесин сиз өзүңүздөн сынап көрүңүз.

Эгер тамак кычышса кулактарыңызды кашып, акырын тырмаңыз. Кулак нервине ушинтип таасир бергенде тамактын булчуңу жыйрылып, кычышууну басат.
Жай угулуп жаткан музыканы жакшылап тыңдагыңыз келсе, анда үн чыгып жаткан жакка сол кулагыңызды тосуңуз. Анткени сол кулак музыкалык ыргактарды жакшы ажыратат.
Кээде жаныңыздагы адам бат-бат сүйлөп, анын эмне деп жатканын түшүнүү кыйынчылык туудурушу мүмкүн. Мындай учурда сүйлөшүп жаткан адамга оң кулак менен бурулуу керек. Себеби оң кулак бат-бат сүйлөнгөн сөздөрдү оңой ажыратат.
Эгер ийнеден корксоңуз, анда мээрман айым ийне сайып жаткан кезде жөтөлүңүз. Бул көкүрөктүн жана жүлүндүн басымын жогорулатат. Натыйжада оорутуу билинбейт.
Чуркагандан кийин оң капталыңыз ооруса... Көпчүлүк адамдар чуркап баратып оң буту жерге тийгенде дем алышат (албетте, аба менен). Бул оң жакта жайгашкан боордун басымын жогорулатат да, чуркаган соң боор тушта оорутуу сезилет. Андыктан чуркап баратып сол бут жерге тийгенде дем алуу керек.
Эгер кемеге, моторлуу кайыкка түшкөндө баш айланса, анда алдын ала имбирдин упадай майдасынан жеп алуу зарыл.
Эгер колуңузду басып жатып калуудан кол “уктап” калса, анда башыңызды оңго-солго чайкаңыз. Ошондо колдун иштөөсү 1 мүнөттүн ичинде калыпка келе түшөт. Анткени колдун “уктап” калуусу көбүнчө моюндун булчуңдарындагы нервдин кысылып калуусунан болот.

Канымжан Усупбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

MARAL

2010-08-08 00:13:52

рахмат!!!

milli

2010-08-09 22:25:35

jakshy informasia eken. Rahmat Super Info.

ilgez

2010-08-18 22:43:52

билип алсам ашыкча эмес

Cholpon

2010-08-31 01:31:01

Jangy nerse koshpoysungarby!!! 2 aydan beri tolkom ech nerse jok... ar kunu kirem saitka. ech kyzyktuu nerse jok. Mayramyngyzdar menen!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 405, 6-12-август, 2010-ж.