АЯЛДАР КЕЛЕЧЕКТЕ БОЮ КЫСКА ЖАНА СЕМИЗ БОЛУШАБЫ?

Кызык экен

Келерки 400 жылда аялдар кандай өзгөрүшөт? Окумуштуулар бул жаатта изилдеп көрүшүп, божомолдорду чыгарышты.
Кээ бир окумуштуулар “эволюция алда качан токтогон. Андыктан адамдын кебетеси менен келбетинин өзгөрүшүнө эч нерсе таасир эте албайт” дешет. Ал эми АКШдагы Йельск университетинин биологу Стефан Стернс “келечектеги адамдын көрүнүшү, аялдардын жарыкка кандай тукумду алып келеринен көз каранды” дейт.
Анын изилдөөсүнүн жыйынтыгында, бою кыска жана толук аялдар көп бала төрөөгө жөндөмдүү болуп чыгышкан. Ал эми бою узун жана арыктар аз эле баланы жарыкка алып келишет экен. Ошондой эле кан басымы төмөн аялдар да көп бала төрөшөт. Ошентип, Стернс аялдардын бою, салмагы, генетикалык өзгөчөлүктөрүн изилдеп отуруп, бою кыска жана толук аялдар көп бала төрөшөрүн тастыктайт. Демек, андай аялдардын кыздары да көп бала төрөй алышат. Ошентип жүрүп отуруп, келечектеги аялдардын бою азыркыдан 2-3 сантиметр кыска жана толугураак болушат деп жыйынтыктайт.

ДАМ БОЮНЧА ФАКТЫЛАР

Адамдын организминде кычкылтек, көмүртек, суутек жана азот башкы ролду ойнойт. Булардын жалпы көлөмү чоң адамда орточо эсеп менен 65-70 килограммга жакын. Кальций менен фосфор сөөктүн курамында кездешет жана алардын салмагы 2 килограммды түзөт. Булардын арты менен сөөк катуулугун жана бекемдигин сактайт. Ал эми денеде калий, күкүрт, натрий, хлор өтө аз. Темир, болгону, 6 граммдай болот.
Көк көздүү адамдар башкаларга караганда ооруга сезимтал келишет. Андыктан эл аларды жалакайлар деп да аташат.
Адамдын сөөгүнүн 50 пайызы суудан турат.
Эркектердин арасында дальтонизмден (кээ бир түстөрдү ажырата албоо) азап чеккендер аялдарга салыштырмалуу 10 эсе көп.
Аялдар эркектерге салыштырмалуу көзүн 2 эсе көп ирмешет.
Сасык тумоону чакыруучу вирустардын түрлөрү 100дөн ашат.

Канымжан Усупбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 405, 6-12-август, 2010-ж.