МУРДУНДА ТИШИ БАР ЭКЕНИН 20 ЖЫЛДАН КИЙИН БИЛГЕН

Кытайдын Харбин шаарынын тургуну Чжан Биньшэн мурдунда тиши бар экенин 20 жыл бою билбей жүргөн. Маалыматты Daily Mail басылмасы жазды.

30 жаштагы Биньшэн акыркы 3 айдан бери мурду бүтүп, дем алуусу оор болуп, түнкүсүн уктай албай жатканын айтып дарыгерге кайрылган. Врачтар бейтапты рентгеноскопияга тартып, мурундун ичинен уюп, катып калган бир нерсени байкашкан. Биньшэн 10 жашында 3-кабаттан кулап кетип 2 тиши түшүп калганын айткан. Мындан улам дарыгер Биньшэн кулаганда оозундагы тиши күч келгенден улам мурун жакка жылып кеткен деп божомолдоодо. Бейтаптын мурдуна врачтар жарым саат операция жасап, узундугу 1 сантиметр болгон тишти алып чыгышкан.

Гүлжан Асанкожоева
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Dembele84

2019-11-18 10:02:24

Кытайлар ушу бизди тан калдырып бутпой койдуго деги

Комментарий калтыруу үчүн өз ысымыңыз менен кириңиз же каттоодон өтүңүз.

№ 889, 14-20-ноябрь, 2019-ж.