Бек Борбиев: «КОНЦЕРТИМЕ САЯСАТ АРАЛАШПАЙТ»
Концертке келиңиз
24-25-сентябрда Бишкектеги Кожомкул атындагы Спорт Ордосунда кыргыз элинин сыймыгы, КРнын Эмгек сиңирген артисти, обончу Бек Борбиевдин “Сагындым сени” деген аталыштагы концерти болот. Концерттин өзгөчөлүктөрү тууралуу Берадор мырза төмөндөгүлөргө токтолду.
– Бек байке, концертке кайсы ырчылар катышат жана мурунку концерттерден эмнеси менен өзгөчөлөнөт?
– Концертке менин ырларымды аткарып жүргөн ырчылар катышат. Мисалы, Ибрагим Жунусов, Сыймык Бейшекеев, Чыңгыз Мырзаев, Алтынбек Алымов, Ильяз Абдыразаков, Мажит бар. Ошондой эле “Агама”, “Береке” бий топтору коштоп бийлешет.
Бир чети менин туулган күнүмө туш келгендиктен, бир чети ушул өнөрдү 20 жылдан ашык убакыттан бери аркалап жүргөндүктөн, элге концерт тартуулоону максат кылдым. Былтыр чыгармачылыгымдын 20 жылдыгына карата берген элем. Бул да ошондой деңгээлде өтөт деп ойлойм.
– Айрымдар үгүт максатында өтүп жатат деп ойлошу мүмкүн...
– Жок, жаңылышат. Концертке саясат аралашпай, саясаттан сырт өтөт. Бул концерт жаңы программа, жаңы ырлар, сатиралар менен коштолот. Сахнага да эч кандай партиянын жарнактары илинбейт.
– Репертуарыңызды жаңы ырлар менен толуктасаңыз керек...
– Ооба, жаңы ырлар бар. Аларды да ырдайм.
– Концертиңизди эмне үчүн “Сагындым сени” деп атадыңыз?
– “Сагындым сени” деген жаңы ыр чыгаргам. Ошол ырдын аталышынан улам “Сагындым сени” деп койдум.
– Ыр сүйүүчүлөр күткөн концертиңиз ийгиликтүү өтсүн.
Миржан Мамбетова
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (7)
Ессс... Бишкеке барсам созсуз барам.
Бек байкебиз былтыры сахна мн коштошуп жатпады беле?Бирок талантын баалайм!!!
Да,билбейм кандай максат менен өтөт бул концерт.
Бек мырза Бутун кыргызстан партиясына добуш алыш учун Бишкекке концерт койуп жаткан турбайбы.Адахам аканизди Куршаб эли колдобой ит кылып жатса сиздин концерт койгонунузга жол болсун.Же шайлоого акча жетпей калдыбы???
ырдай бериниз. саясат отот. бугунку "баатыр" эртен эле "качкын" же б.а. бугунку "качкын" кечооку "баатыр" боло берген заман отоор. Ырларынызды булгабаныз, ырыныз очпойт го
Чыгармачылыгынызгы албан албан жетишкендиктерди каалйм! Дагы коп мыкты ырларды жарата бериниз!
