АЛТЫНАЙ НАРБАЕВА ЖАШТАРГА ТААРЫНЫЧЫН АЙТТЫ

21- июль күнү өлкө башчы Сооронбай Жээнбеков коронавируска каршы күрөшүүдө ыктыярчы катары иштеп жаткан 12 адамды кабыл алды. Президент менен жолугушууга кыргыз шоу-бизнесинен ырчылар Анжелика, Айзада Жамгырчиева, алпаруучу Эркин Рыскулбеков катышышты. Өлкөгө коронавирус жайылып, карантин жарыялангандан тарта ыктыярчы катары муктаж жарандарга колунан келген жардамын берип жүргөн, бирок аталган жолугушууга чакырылбай калган Кыргыз Республикасынын Эмгек сиңирген артисти Алтынай Нарбаева социалдык тармактардагы баракчасына жаштарга, мамлекетке болгон таарынычын жазып чыкты. Бул тууралуу ырчы өзү кенен айтып берсин:

– Ажобуз пандемия учурунда элге жардам берип жүргөн ыктыярчыларды чакырган экен. Өнөр инсандары арасында улуу башымды кичүү кылып өз жанымды, кичинекей кызымды тобокелге салып, алгачкылардан болуп демилге көтөрүп ыктыярчы болуп чыктым. Эрнис Бөрүбаев, Талант Сагынбаев, Сагын Эргешовдор менен 20-марттан баштап жардам берип жатабыз. Дагы да иштей беребиз. Бул биздин элдин алдындагы милдетибиз, кыргыз жараны катары парзыбыз. Муну милдет кылбайбыз. "Ажо ыктыярчыларды чакырат экен" десе, мен эмне деп айтсам, кандай суроо берсем деп ойлонуп алыптырмын. Бирок чакырылган жокпуз. Мен ага капа эмесмин. Кечээ Инстаграм менен Фейсбукка кирсем, “Алтынай Нарбаева менен Эрнис Бөрүбаев эмнеге чакырылган жок?” деп көп адам жазыптыр. Эл-журттун махабаты баарынан бийик. Мен жөн гана кичине ызаланганымды баракчама жазып койдум. Элге да жооп берип коюшум керек эле. Мен мамлекеттик концерттерден да, чет өлкөгө барчу делегациянын катарынан да чийилип калам. Дайыма ошондой мамиле кыла беришип, жүрөгүм электей тешилип, жалбырактай жыртылып калган. Эл артисти наамы үчүн документтерим 3 жолу жөнөтүлдү, 3 жолу тең кайтты. Эми документ тапшырайын деген оюм жок. Жан дүйнөнүн жабыркаганы – кичинекей өлүм. Чыныгы өлүмдөн да күчтүү. Эч кимге айта албай сыртыңдан күлүп, ичиңден азап тартып жүрө бересиң.

Эл бир гана адамга кайрылгандай түшүнүп калышпасын, мен жалпы жаштарга таарынычымды айттым. Өнөр сахнасында мен өнөрлүүлөрдүн жаш өзгөчөлүгүнө эмес, керек болсо сахнага менден мурда чыккандарга “сиз” деп кайрылып, ыйбаа кылып турам. "Кардыма эмес, кадырыма ыйлайм" деген ушул окшойт. Айылда деле аксакалдарды төргө өткөрөт, жакшылык-жамандыкка эң биринчи аксакалдарды чакырат. Аксакалмын дегенден алысмын, бирок 50дөн аштым. Кадырлап-барктап коюшса, уул-кыздарым, окуучуларым, күйөрмандарым үчүн да жакшы болмок.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

Baktyluu_bolgum_kelet

2020-07-27 09:37:08

Сизди эл сыйлайт,ажого барып не кыласыз, барсаңыз деле ошол да.Бирок көңүл деген жаман.

-8

Paprikafm

2020-07-27 11:19:49

Сокеге барбай калган учун ушунча нараазы болдунузбу ага барып эмне кыласыз

assanov97

2020-07-27 13:11:32

Чакырбай тура кылыптыр

+10

assanov97

2020-07-27 13:12:04

50 дон ашып калсада акылы 20дагы кыздардай

+12

Saryshka93

2020-07-27 13:49:24

Туура

Saryshka93

2020-07-27 13:50:07

Эмнеге менин жазганым чыкпай жатат?

Aimani

2020-07-27 14:03:40

Ыктыярчы деген эмне экенин билбей эле жүрсө керек Алтынай эже. Өз каалоосу менен жүрөт экен. Анан эмне док кылат? Волонтёр - ыктыярчы кылган иши үчүн акы да, рахмат да күтпөш керек. Алланын ыраазычылыгы учун иштеп жатам деп какшанат анан кайра догурунат. Негизи саясатчылар жаштарга жол бербейт дейбиз. Ырчылар деле ошо турбайбы.

+12

Nina.alex

2020-07-27 21:32:35

Догурунуп бутподу ушул айым

+12

Nursul

2020-07-28 10:39:30

Приздент Ыктыярчыларды чакырганда улуу катары чакырып коюшса болмок дегениго анан мен бармакмын барат болчумун деген эместир

-4

kofesmolokom

2020-07-29 18:57:04

Орустар айтмакчы: -“Кому-то с возрастом приходит мудрость, а кому-то старческий маразм”. Улуу муунду урматтаганды эле билбей, жаштарды сыйлаганды дагы билеличи.

Krekshino

2020-07-29 19:09:38

Звездянканы кармап алды окшойт эжекебиз. Уят эле!!!

fanatka19

2020-07-29 22:18:05

Подписчигим аз дейт го))) Оз ыктыярынар менен чыктынар да эми кимге милдепт кыласынар бизди сыйлап койгула деп.Кылган ишинер Кудай учун болгондо мындай нааразы создорду айтылбайт эле.Демек сиз да пияр учун.

Комментарий калтыруу үчүн өз ысымыңыз менен кириңиз же каттоодон өтүңүз.

№ 920, 23-29-июль, 2020-ж