УКРАИНАДА АСКЕРДИК УЧАК КЫРСЫККА УЧУРАДЫ

26-сентябрда Украинанын Харьков облусунун Чугуев шаарында авиакырсык катталды. Анын натыйжасында 22 адам набыт болгонун дүйнөлүк басылмалар жазып чыгышты.

Маалыматка ылайык, аскердик-транспорттук Ан-26 үлгүсүндөгү учак аскердик машыгуу учурунда болжол менен саат 20:45те аскердик аэродромдон 2 чакырым алыс жерге кулап түшкөн.

Учак жерге кулагандан кийин өрттөнүп кеткен. Өрт өчүрүү кызматы кырсык болгон жерге 1 сааттан кийин барганы айтылат. Анын ичинде Иван Кожедуба атындагы Харьков улуттук университетинин курсанттары болгон. Кырсыктан улам 22 адам каза болду. 4 адамдын дайыны белгисиз. Алар учак кулап келе жатканда секирип кетиши мүмкүн деген божомол менен токойдон изделүүдө.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 930, 1-7-октябрь, 2020-ж.