БИР БҮРКҮМ. ЭЛДИН АКЧАЛАЙ КИРЕШЕСИ АЗАЙДЫ...

17-ноябрга дайындалган Жалал-Абад шаарынын мэрин шайлоо болбой калды, себеп – жалгыз талапкер Эрнисбек Ормоков шайлоого катышуудан баш тартты.
Сталбек Шаршеев Жарандык авиация агенттигинин директору болуп дайындалды
Казакстан COVID-19 илдетине каршы күрөшүүгө жардам катары Кыргыз өлкөсүнө өпкөнү жасалма дем алдыруучу 400 аппарат, 2 миллион бет кап берет.
Бишкектин “Тез жардам” кызматына 6 жаңы унаа тапшырылды.
2 айдын ичинде Салык кодексинин жаңы редакциясын даярдоо керектигин өкмөт башчынын милдетин аткаруучу Артём Новиков билдирди.
Ошто 17-ноябрда ири көлөмдө баңгизат сатып жаткан жеринен 36 жаштагы жаран кармалды.
17-ноябрга карата ооруканаларда коронавирус жуктуруп алган 3138 адам дарыланууда, алардын 122синин абалы өтө оор экени айтылды.
Пакистан Кыргыз өлкөсүндөгү 4 медициналык окуу жайды “кара тизмеден” чыгарганын Билим берүү жана илим министрлиги тастыктады.
Январь-октябрь айларында өлкөнүн ички дүң продукциясы 7,4 пайызга төмөндөгөнү айтылды.
Бишкекте 1 аптада 64 мас айдоочу кармалганын Бишкек шаардык милициясы кабарлады.
Өлкөдө Конституциялык палатанын судьяларынын санын 11ден 9га кыскартуу сунушталууда.
Улуттук статистика комитети: “2020-жылдын алгачкы 6 айында калктын акчалай кирешеси дээрлик 8 пайызга азайды”.
Баткенде Кыргыз-Тажик чек арасынан 8 тонна күйүүчү майды мыйзамсыз алып өтүүгө шектелип Тажикстандын жараны кармалганы кабарланды.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 937, 19-25-ноябрь, 2020-ж.