АФРИКАДА АКЫРКЫ 110 ЖЫЛДАГЫ ЭҢ ИРИ АЛМАЗ ТАБЫЛДЫ

Түштүк Африкадагы Ботсвана өлкөсүндө акыркы 110 жылдагы эң ири алмаз табылды. Бул тууралуу чет элдик басылмалар жазып чыгышты.

Алмаз канадалык “Lucara Diamond” компаниясынын “Карове” шахтасынан табылган. Маалыматка ылайык, табылган алмаздын салмагы 1111 карат.

Асыл таш ушунчалык чоң болгондуктан, ал компаниянын лазердик анализдөөчү жабдуусуна батпай калган. Ошого карабастан, компания өкүлдөрү табылган алмазды II категорияга кошкон. Бул алмаздын тазалыгы, өңү жана тунуктугу боюнча сапатынын жогорку категориясы деп айтышты. Дүйнөдө алмаздын болжол менен 2 пайызы гана II категорияга ээ.

Белгилей кетсек, 1905-жылы Түштүк Африкада табылган салмагы 3106 карат болгон “Куллинан” алмазы дүйнөдөгү эң чон алмаз болуп саналат. Дүйнөдөгү экинчи чоң алмаз салмагы 1109 карат болгон “Lesedi la Rona” ташы.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Datka7777

2020-11-23 15:34:26

Мээ, акыл болбогондон кийин толгон токой байлыгы болсо да кулсун! Эн кен байлыктар менен жаратылыш байлыктары мол олко! Батыш менен американын военный полигон кылып талкалап журушот экологиясын кен байлыктарын ташып кетип атышат

Mister-XXX

2020-11-24 18:17:26

Datka7777,Сенин созуно кошулбайм.Америкага окшогон мамлекеттер аларды манкуртка айлантып салышкан.Эгер акылдуу адам чыкса жок кылат.Кыйын адамдар чыгып ал жердин байлыгын коргоп турса,Америка учун пайдасыз.Ошон учун билим алууга жол бербей жатат.Болбосо Америка мектеп куруп,билим алууга ундосо болмок.

Zarinkakanykei1493

2020-11-26 16:00:10

1111карат болгондо канча болот грамга карат дегенге тушунбодум

Комментарий калтыруу үчүн өз ысымыңыз менен кириңиз же каттоодон өтүңүз.

№ 937, 19-25-ноябрь, 2020-ж.