СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Түркия муундан-муунга өтүп келе жаткан гүл этикет эрежелери менен белгилүү. Мисалы, ачык кызыл гүлдесте кубанычты жана достукту чагылдырса, көк жана ак түстөр кайгы-капаны билдирет. Түрктөрдүн сүйүктүү гүлдөрү – жоогазындар. Түркиядагы бул гүлдөр майрамдарда гана эмес, жөнөкөй күндөрдө деле бериле берет. Аялдарга ачык гүлдөрдү – орхидеяларды, гербераларды, роза гүлдөрүн берүү салтка айланган. Ал эми кыздарга тазалыктын символу катары ачыла элек гүлдөрдү берип келишкен. Бирок бул салт бүгүнкүгө чейин уланып келүүдө деп айтуу кыйын.
Илгертен бери роза жаштыктын жана сулуулуктун символу деп эсептелет. Болгарияда аны өзгөчө урматташат. Бул гүл өлкөнүн башкы белгилеринин бирине айланган. Роза жөнүндө бул жерде көптөгөн ырлар жаралган, жергиликтүү сүрөтчүлөр аны сүрөттөрүндө көп чагылдырышат. Роза элдик саймаларда көп кездешет, ал эми болгарлардын улуттук аземдеринде бул гүл алмаштыргыс атрибут болуп саналат. Жыл сайын май айынын аягы, июнь айынын башында Болгарияда гүлдөрдүн ханышасынын урматына арналган роза фестивалы өтөт.
Кытайлар гүлдөрдүн арасынан пионду жогору баалашат. Гүл бакыт, сүйүү, байлык алып келет деп эсептешет. Жыл сайын Хэнань провинциясында Пион фестивалы өткөрүлүп, кооз гүлдөрдү сүйүүчүлөрдүн көпчүлүгүн өзүнө тартып турат. Ушул учурда Цзянь дарыясынын эки жагында миңдеген кооз пиондорду көрүүгө болот. Фестивалдын жүрүшүндө концерттер, пиондордун, сүрөттөрдүн көргөзмөсү уюштурулуп, пиондорду өстүрүү боюнча семинарлар жана ишкердик сүйлөшүүлөр өткөрүлөт.
Японияда сакура өсүмдүгүнө өзгөчө баа берилет. Сакура – алчадан айырмаланып мөмө бербеген, "алча" түрүнө кирген декоративдик дарактын япончо аталышы. Японияда көптөгөн ырлар жана поэмалар сакурага арналган. Ал жаштык жана сүйүү менен байланыштуу. Жыл сайын жазында алча гүлдөрүнө суктануу үчүн сейил бактарда жана аллеяларда, Күн чыгыш өлкөсүнүн хан сарайларынын жанына адамдар чогулушат.