“АТЫРДЫ ЭРКЕК ӨПСӨ ЭКЕН ДЕГЕН ЖЕРИҢИЗГЕ СЕБИҢИЗ!”

Коко Шанель – француз модельери, Chanel мода үйүнүн негиздөөчүсү болгон. XX кылымда Европа модасына таасири тийген айым. Анын фирмасы чыгарган Chanel №5 атыры XX кылымдын бестселлерине айланган. Коко Шанелдин сулуулук, аял тууралуу цитаталарын сунуштайбыз.

Өзүн күтө билүү жүрөктө, жан дүйнөдө башталышы керек. Буларсыз кандай косметика болсо да күчү жок.
Жүз – бул ички жан дүйнөнү чагылдырган күзгү, ага өзгөчө көңүл бур!
20 жаштагы бийкечте табияттан берилген өң болот. 50 жашта сулуу өң-түскө ээ болуу үчүн көп эмгек керек.
Аял жаман кийинсе кийимди эстеп калышат, аял кынтыксыз кийинсе аялды эстеп калышат.
Сулуу эмес аялдар болбойт, өзүнө кам көрбөгөн аялдар болот.
Эгер аял боёнбосо, анда ал өзү жөнүндө өтө жогорку ойдо.
Жакшы көрүү – илим, сулуулук – курал!
Атыр – бул көзгө көрүнбөгөн, бирок унутулбай турган өзгөчө модалуу аксессуар. Ал аялдын келгенинен кабар берет, кеткенден кийин да аны эстетип турат.
Атырды кайда себүү керек? Эркек сиздин кайсы жериңизден өпсүн десеңиз ошол жерге.
Кандай гана болбосун эркектин жашоосунда бир гана аял болот, калгандары анын көлөкөсү.
Аялды абдан кымбат костюмчалык башка эч нерсе картаң көрсөтпөйт.
Аялдар эркектерге караганда кече көйнөгүн кылдаттык менен тандашат.
Бийкечтердин иши канчалык жаман болсо, алар ошончолук жакшы көрүнүүгө тийиш.
Кол – аялдын визиттик карточкасы, моюн – анын паспорту, көкүрөгү – чет элдик паспорту.
Кийимдин ичинде аял бар экенин эч качан унутпагыла.
Алмашкыс болуу үчүн дайыма өзгөрүп туруу керек.

Канымжан Усупбекова

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

Mubarak

2021-04-05 09:58:23

Кокурогу загран :)

-1

Shekeev969798

2021-04-05 22:28:49

Mubarak,)))

-1

Комментарий калтыруу үчүн өз ысымыңыз менен кириңиз же каттоодон өтүңүз.

№ 956, 1-7-апрель. 2021-ж