БИР БҮРКҮМ. ГЕНЕРАЛ АСАНОВ ҮЙ КАМАГЫНА ЧЫКТЫ...

Түркиянын Кыргыз өлкөсүндөгү элчиси болуп Ахмет Садык Доган дайындалды.
Жогорку Кеңештин депутаты Кубанычбек Жумалиев үй камагына чыгарылды.
Кыргыз жеринен дары жана медициналык буюмдарды экспорттоого 6 айга тыюу салынды.
ИИМ жетекчисинин мурдагы орун басары Курсан Асанов үй камагына чыгарылды.
Башкы прокуратура: “Баткендин Үч-Коргон айыл аймагынан 80 гектар жайыт жери жеке менчикке мыйзамсыз берилип кеткени аныкталды”.
Президенттин парламенттеги мурдагы өкүлү Курманбек Дыйканбаев үй камагына чыгарылды.
Ош шаарында 3 окуучудан коронавирус аныкталып, 2 мектеп карантинге жабылды.
Өлкөдө коронавирус жуктуруп алгандардын саны өсүп жатканы, коргонуу чараларын күчөтүү зарылдыгы эскертилүүдө.
Таластын Өзгөрүш айылында дарыяга кулап кеткен 2 жашар баланы издөө иштери жүрүүдө.
Президент Садыр Жапаров 14-апрелде борбор шаарда Бишкек баатырдын эстелигинин ачылышына катышты.
Баткенде чек араны айланып өтүп, бажы төлөмдөрүн төлөбөй кирген жүктүн ээси кармалды.
Караколдо окуучулар арасында массалык мушташ чыгып, урушту уюштурууга шектелип 2 окуучу кармалды.
13-апрелге карата Бишкекте 350дөн ашык адам COVID-19 илдетине каршы эмдөө алды.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 958, 15-21-апрель, 2021-ж.