БИР БҮРКҮМ. 20 МИҢ АДАМ ЭМДӨӨДӨН ӨТТҮ...

Өлкөгө май айында 400 миң доза AstraZeneca вакцинасы алынып келинери айтылды.
Сыймык Жапыкеев Ысык-Көл облусунун прокурору кызматынан кетүү үчүн арыз жазды.
Жогорку Кеңештин депутаты Жаныбек Бакчиев мөөнөтүнөн мурда депутаттык мандатын тапшырды.
28-апрелде Бишкекте Башкы прокуратуранын алдында чакан бизнестеги бут тосууларды жоюу талабы менен ондогон жарандар митингге чыгышты.
28-апрелге карата Кыргызстанда 20 458 адам коронавируска каршы эмдөөдөн өттү.
Бишкек мэриясынын Билим берүү башкармалыгынын башчысынын орун басары Усеин Касмалиев коронавирустан каза тапты.
Жарандык активист Тилекмат Кудайбергенов Бишкек шаардык сотунун чечими менен үй камагына чыгарылды.
Медетбек Жумаев “Ош электр” ишканасынын башчысы болуп дайындалды.
1-майдан тарта Жалал-Абад облусунда орто мектептер онлайн форматта иштөөгө өткөрүлөт, 9-11-класстын окуучулары гана кадимки режимде окушат.
Мамасадык Бакиров Жогорку Кеңешке депутат болуп бекитилди.
28-апрелде Бишкекте 11-апрелде өткөн шаардык кеңештин шайлоосунан четтетилген КЭДП партиясынын тарапташтары митингге чыгышты.
Кыргыз мамлекети алдамчылыкка шектелген Кытай жаранын өз өлкөсүнө өткөрүп берди.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 960, 29-апрель-5-май, 2021-ж.