АЛДЫҢКЫ КАТАРДАГЫЛАР КИМДЕР?
Ошентип, салтка айланып калгандай, суперлерди тандоо убагы да келди. Жыл мыктыларына талапкерлер тандалып, “Супер-Инфо” гезитинин www.super.kg сайтында добуш берүү кызуу жүрүүдө. Окурмандар үчүн жылдын мыктыларынын кимиси алдыңкы үч сапта бара жатканын маалымдап өтүүнү чечтик.
“ЖЫЛДЫН СУПЕР ЫРЧЫ МЫРЗАСЫ”
Бул наамды алганга алты мырза ат салышууда. Алар: Тата Улан, Омар, Ильяз Абдыразаков, Дайыр Исмадияров, Айдин Шер жана Добр. Сайттагы добуш берүүлөрдүн жыйынтыгында Ильяз эң көп добушка ээ болуп, атаандаштарын бута атым алыска таштады. Андан кийинки орунда Тата Улан камчыланып марага жакындап келатса, Омар үчүнчү сапты ээлеп турат.
"Бул жылы жылдын супер ырчы мырзасы боло аласыңбы?" деген суроо менен Тата Уланга кайрылып калдык.
– Мен бул орунга татыктуу деп бир да адамды көрсөтө албайм. Ар биринин өзүнө жараша сынчысы, күйөрманы, угарманы бар. Өзүмө келсек, эл менин ырларымды түшүнсө, укса, ошол менин жеңишим. Жулунуп мен биринчимин, мен алышым керек деп айтпайм. Бул жылы наамга ээ боломбу же жокпу, аны келечек көрсөтөт. Кимдин маңдайына буюрса, кимге насип кылса, ошол адам алат.
Ырчылардын болобу, саясатчылардын болобу, мыктыларын алып чыгып, мыкты иш алып барып жаткан силердин гезитке ыраазычылыгымды билдирип кетким келет. Алдыдагы сынакта атаандаштарыма ийгилик каалайм.
“ЖЫЛДЫН СУПЕР ЫРЧЫ АЙЫМЫ”
Оо, бул наам үчүн өткөн жылы талаш-тартыш Чубактын чуусундай эле чубалган. Ал эми үстүбүздөгү жылы ырчы айымдардын арасынан “Жылдын супер ырчы айымы” наамына Айя Садырова, Гүлзинат Суранчиева, Неля, Сайкал Садыбакасова, Бегимай Эсенгулова, Каныкей ат салышууда. Аты аталган айымдардын бардыгы татыктуу деңизчи, бирок ичинен бирөө гана суурулуп чыгышы керек.
www.super.kg сайтындагы добуш берүүдө эң алдыда келе жаткан ырчыбыз – Каныкей. Каныкей атаандаштарын чаңга бөлөп, таскак менен келе жатат десек жарашат. Ал эми Неля айым экинчи позициядан орун алса, эжекелеринен калышпай Сайкал үчүнчү сапта.
"Атаандаштарыңдын арасынан “ярый” каршылаш ким?" деген суроону Неля айымга узаттык.
– Эң биринчиден, мен атаандаштарымдын баарына ийгилик каалап кетмекчимин. Менде "бул менин атаандашым, же бул озуп кетет" деген ой жок. Анткени буга чейин деле бул наамдар татыктуу адамдарга берилип келген. Мен “Жылдын супер ырчы айымы” наамына эки жолу талапкер болуп, эки жолу тең жеңип алгам. Эми бул жолу да күрөшүп, жеңишке жетишем деген ойдомун. Чындыгында эле жыл башынан бери эмгектенип, жакшы ийгиликтерге жетиштим.
“ЖЫЛДЫН СУПЕР АКТРИСАСЫ”
Таттыбүбү, Бакен эжелердей таланттар кино искусствосунда өчпөс из калтырып кетпедиби. Эми да уучубуз куру эмес. “Жылдын супер актрисасы” наамына талапкерлер: Элина Абай кызы, Асел Абдыбекова, Асема Токтобекова, Асел Тойгонбаева, Назик Исраилова. Эми алдыда кимдер келе жатат дебейсизби? Алдыңкы катарда Элина сулуу, экинчи сапта Асема, үчүнчү позицияны Асел Абдыбекова бекем ээлөөдө.
"Сенин оюңча, бул наамга ким татыктуу?" деген соболго Асема Токтобекова төмөндөгүдөй жооп берди.
– Мен татыктуумун деп деле төш какпайм. Элина менен жакшы мамиледемин. Ага эч кандай деле ич күйдүлүк кылып жаткан жерим жок. Мен профессионал деген актрисалар менен ат салышсам деп ойлогом. Мисалы, Назира Мамбетова, Сайра Момунбаева деген мыкты актрисалар менен. Бирок мени менен атаандаш кыздарга караганда менин эмгегим көбүрөөк болуш керек. Албетте, эл таразалайт деңизчи. Эл баалаган үчүн мыкты ийгиликтерге жетишип, Чыңгыз Айтматов атындагы сыйлыкка көрсөтүлүп жатам.
Нуржамал Жийдебаева
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (27)
Баардыгы татыктуу...бирок татыктуулардын татыктуусу Ильяз, Каныкей, Элина. менин көз карашымда....
Супер ырчы мырза-Ильяз, ырчы айым-Каныкей, актриса-Асема. Элина деле мыкты актриса, бирок,Асемага караганда эмгеги азыраак. Асема кыргыздын атын коп жерге таанытып келди!!!
Неля омур бою мен алам дегендей кылып койгон го. Озунон кийин эч ким жок дегенсип.
Добуш бере элек достор!
Супер ырчы айым Каныкей!
ырчы мырза Иляз!
саясатчы Омурбек Текебаев!
спортчу Каныбек Сагынбаев!
телеалпаруучу Жанар Акаев!
супер диджей Элиза Кененбаева!
Бул реалдуу баа, чынында ошондой. Мен кепилдик берем! Добуш бере элек болсонор, дал ушундай бергиле!
Kanykei mn Nelyany salywtyryp korsongor,Kanykeidin kan4alagan yrlary hit boldu,sozdoru maaniluu,ozunun stili bar.A Nelya4y? al emnesine 2 jolu jengip algan Super Aiymdy?dagy suilogonun!!!!!!!!!!!!men anyn jalgan jalgan dep ele yrdaganyn bilem.A Saikaldy ozuno teng kategoriyaga kowpopsungar Super Info?
эмнеге бирөөнү мактаганда сөзсүз түрдө дагы бирөөнү жамандаш керек? Болгондо да тим эле шыбап! Баары сонун! мен биринчиликти Илүязга, Каныкейге, Роза Отунбаевага бермекмин. Калгандарынан анча кабарым жок. А кино жаатынан болсо, Таттыбүбү, Бакен ж.б. эжелердин деңгээлине эч ким жете элек. Балким алар тартылган кинолордогудай маанилүү мазмун жоктур азыркы кинолордо, кино жаатындагыларга изденгиле, дагы
талыкпай иштегиле демекмин. Ошол эле Чыңгыз агабыздын чыгармаларына кайрылса деле болот. Тоолор кулаганданы окуп атып эле өзүмчө көз алдыма филүм кылып тартып окугам. бирок аны мыкты тартыш керек да тиги Чыңгыз менен Бүбүсарадай кылбай
Debi, абдан туура айтасыз. Кыргызда негизи акыйкаттык жашабай калды корунот. Болбогон бир сыйлык учун ушунчалык бири-бирин жамандашышат, баарыбыз эле бир атанын балдарыбыз! Анчалыкка барбайлы туугандар! Бул жерден кырылышкандан эч кандай майнап чыкпайт. Берилген эл добушу деле эч нерсе чечпейт болуш керек. Жашоо манызынын туп тамыры такыр эле башка жакта жатат.
балдардан - 3чу
кыздардан - 1чи
ал эми учунчудон - 1чиси
Неля озунду аябай мактабачы! Каныкей менен Сайкал сага караганда коп эсе жакшы!!!
Омар, Сайкал, Элина силер биринчи болгонго татыктуусунар!!!
Elina nazik,tatinalay kiz birok akterluk jaktan Asemaga jetpeyt.Men Ilyazga dobuwumdu bermekmin sebebi al sonun muzikalardi jaratat,daje bawka uluttar dagi tuwunboso dagi berilip ugushat.anan agi Saykalga bermekmin,Kanikeydin irlari jakshi birok kop ele irina tushuno berbeym.
Saykaldi bilbeym birok Kanikey Nelyani jon ele basip salat... Irchilardan Kanikeyge 1 boluusun kaalar elem.
Aktrissalardan bolso Elina Abay kyzy jakshi ele oynogon filmde birok Asemaday taasiri jok jana anday talanttuu emes. Asema KGga andan koburook kizmat kildi. Aktrissadan Asema demekmin
Oshondoy ele
OMAR alat, :-? :>sebebi tatyktuu :)
