БИР БҮРКҮМ. АБА ЫРАЙЫ КЕСКИН ӨЗГӨРӨТ...

Ош шаарына перинаталдык борбор курулары айтылды.
“Сапат” билим берүү мекемесинин жетекчиси Орхан Инандыны камакта кармоо мөөнөтү узартылды.
Журналист Геннадий Павлюктун өлүмүнө айыпталып 17 жылга эркинен ажыратылган жаран соттон мунапыс сураганы айтылды.
Нурдин Осмонов “Түндүк электр” ишканасынын директору болуп дайындалды.
ИИМ жарандарды курал-жарактарды өз ыктыяры менен тапшырууга чакырды.
Өлкөдө 26-ноябрдан тарта аба ырайы кескин өзгөрөрү күтүлүүдө.
Өткөн аптада Бишкек-Ош жолунун Кара-Суу районуна караштуу тилкесиндеги болгон жол кырсыгынан каза тапкандардын саны 10го жетти.
Бишкекте жакыр жашаган 150 үй-бүлөнүн ар бирине 10 мүшөктөн көмүр таратылды.
“Кумтөрдүн” алтын чайкоочу фабрикасында модернизациялоо иштери башталганы айтылды.
Учурда Бишкек шаарында күн сайын 130дай троллейбус каттамга чыгат.
22-ноябрга карата Токтогул суу сактагычында 11 миллиард 297 миллион метр куб суу бар.
Кыргызстанда кышкы туристтик сезон 27-ноябрда ачылганы жатат.
25-ноябрда Кыргыз өлкөсүнө коронавируска каршы Moderna вакцинасынын 115 миң дозасы алып келинет.
Парламенттик шайлоо процессине республикалык бюджеттен 623,3 миллион сом бөлүнгөнү айтылды.
Электр энергиясын дүңүнөн сатып алып, кайра сатуучулар электр энергиясын чегинен ашык колдонуп жатканы аныкталды деп расмий маалымдалды.
2018-жылдын 1-январынан бери Кыргызстанда 546 975 жаран "балага сүйүнчү" жөлөк пулун алышты.
1-декабрдан 3-декабрга чейин "Кызыл-Кыя" өткөрүү пункту оңдоо иштерине байланыштуу автоунаалардын кыймылы үчүн жабылат.
Коррупциялык иштер тууралуу тийиштүү органдарга маалымат берген жаранга сый акы берилет, анын тартиби Министрлер кабинети тарабынан бекитилди.
Парламенттик шайлоого карата БШК 730 эл аралык байкоочуну аккредитациядан өткөрдү.
24-ноябрга карата өлкөдө коронавирус менен 1036 жаран ооруп жатат, анын ичинен 192 жаран оор абалда.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 990, 25-ноябрь - 1-декабрь, 2021-ж.