Эң ысык жер аталышына ээ болууга бир нече жерлер атаандашат. Мисал келтирели.
Ирандын чыгышындагы Деште-Лут чөлүндө жайында куйкалаган ысык өкүм сүрөт. 2005-жылы абанын температурасы +70,7 градуска жеткени катталган. Бирок айрым учурларда +80,8 градуска чейин жете турганы да айтылат. Даште-Лутта эсепсиз кум дөбөлөр бар, бирок алардын бири дүйнөдөгү эң бийик кум дөбө деп аталат. Анын бийиктиги 407 метрди түзөт.
1922-жылы 13-сентябрда Ливиянын Эль-Азизия шаарында абанын температурасы +58,2 градуска жеткен.
1913-жылы АКШнын өлүм өрөөнүндөгү Фернес-Крик ранчосунда жайында +56,7 градус температура катталган, ал эми 1972-жылы ошол эле жердеги жердин бети +93, 9 градуска ысыган. Эскерте кетсек, аталган аймакта адамдар өтө аз жашашат. 2000-жылдагы эл каттоодо 31 адам жашары белгилүү болгон. Ал жерди бир нече кылымдардан бери индейлер байырлап келгени маалым. Учурда да көпчүлүгүн индейлер түзөт.
Эң жогорку орточо жылдык температура Эфиопиянын Даллол аймагында катталган, ысык +34,4 градус.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (0)
Комментарий калтыруу үчүн өз ысымыңыз менен кириңиз же каттоодон өтүңүз.