БИР БҮРКҮМ. ЖООКЕР ОКТОН КАЗА ТАПТЫ...

Бишкекте 11-январда 39 жаштагы жаран лифтке кыпчылып калып каза тапты.
Кыргызстанда суу каналдарын 8-мартка чейин тазалап бүтүү тапшырмасы берилди.
Депутат Акбөкөн Таштанбеков үй камагына чыгарылды.
2022-жылы Бишкекке 15 мектеп куруу пландалып жатканы айтылды.
1-10-январь аралыгында Бишкекте мас абалында унаа айдап жүргөн 60 айдоочу кармалды деп кабарланды.
Баткенде аскер кызматкери кокустуктан улам шеригин автомат менен атып алып,
ал каза тапты.
Кыргыз мигранттары эми айдоочулук күбөлүктөрүн Кыргыз Республикасынын чет өлкөлөрдөгү мекемелеринен алмаштырып алышса болот.
Билим берүү жана илим министрлиги: Венгриянын окуу жайларында окууга билдирмелерди кабыл алуу 14-январда аяктайт.
Саясатчы Равшан Жээнбековдон коронавирус илдети аныкталганы айтылды.
Кыргызстанда 1 жылдын ичинде Аи-92 үлгүсүндөгү бензиндин баасы 23,6 сомго же 64,5 пайызга кымбаттаган.
Акылбек Жапаров Казакстандын жаңы шайланган премьер-министрин Кыргызстанга иш сапары менен келип кетүүгө чакырды.
2022-жылы Кыргызстанда 150 миллиард сомдой салык жыйноо пландалууда.
Үй-бүлөдөгү каржылык кыйынчылыктардын айынан өлкөдө учурда 201 бала мектепке барбайт.
Министрлер кабинетинин төрагасынын орун басары Эдил Байсалов иш сапары менен Талас облусуна барды.
Ысык-Көл облусунда мал кайтарып жүргөн жергиликтүү тургунду Казак чек арачылары кармап кеткени кабарланды.
Ибрагим Жунусовдун Кыргызстандын Өзбекстандагы элчиси катары миссиясы аяктады.
13-январга карата Кыргызстанда 2,2 миллион жаран коронавируска каршы эмдөө алганы айтылды.
Чүй облусунда уурулукка шектелип 2 аял кармалды.
Министрлер кабинетинин төрагасы Акылбек Жапаров "Дордой" соода комплексинин ишкерлери менен жолугушту.
Лейлекте 5 килограмм баңгизат катып жүргөн жергиликтүү тургун колго түшкөнү маалымдалды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 997, 14-20-январь, 2022-ж.