«БАРКЫҢДЫ БИЛБЕЙ…»
Жан дүйнө жаңырыгы
– Мен өзгөрдүм, аябай өзгөрдүм. Сен билген, эч бир мыйзамга баш ийбеген, бой көтөрмө, кырс адам эмесмин. Сен жактырган алоолонгон өрт жигит азыр таптакыр башкача абалда. Эсиңдеби, сени таарынтып, катуу айтып ыйлаткан күндөрүм? Өз күчүмдү ошентип билгизгим келчү. Катуу сүйөрүңдү билсем да, мындан да ашык, мындан да берилип сүйүшүңдү каалагам. Ошондо ыйлап жатканыңды сезсем да, обочодон карап туруп басып кетчүмүн. Анткени аркамдан келериңди, кайра эле жарк эте күлүп бетимден өөп, кечирим сураарыңды билчү элем. Сен дайыма келчүсүң. Бирок бир күнү келбей, аркамдан ээрчибей койдуң. Көрсө, бапестеп көздүн карегиндей сактабаса, сүйүү да өчөт экен. Сенин сүйүүңдү өчүрүп алганымды туйбай калдым.
Алгач “мейли, кетсе кете берсин. Кыз деген толтура” дегем. Артыңдан чуркап, түшүндүрүп айтуудан негедир намыстангам. Ичим күйүп, кызганычтан өрттөнүп турсам да ошенткем. Мендеги тозок күндөр сен кеткенден кийин башталды. Мурун эле кыз жандуу жаным кыздан кызды тандап жүрдүм, күлдүм. Канча кыздар колумдан, коюнумдан өттү. Бирок бири да сага окшобойт эле. Өзүм да байкабай сеникиндей келбетти, сеникиндей мүнөздү издедим. Бири да сага окшободу. Көрсө, сен таптакыр башкача экенсиң. Сендей адам бирөө гана экен. Аны сезгенде ого бетер өрттөнүп кеттим. Ичип, мушташып, ата-энемди, бир туугандарымды кыйнадым. Алар кайдан түшүнсүн. Молдо-кожолорго сүйрөп жүрүштү. Аларды кыйнай бербейин деп аракты токтоттум. Бирок жүрөгүмдү, жан дүйнөмдү боштук ээледи.
Кызык, сен бактылуу болдуң бекен? Мен кандай жакшы адам болуп өзгөргөнүмдү азыр билсең, не дээр элең? Сенден мээримдүү болууну, токтоо болууну, чыдамдуулукту үйрөндүм. Эң башкысы, бирөөгө чын дилден берилгенди үйрөндүм. Эх, баары бир жолукпайбыз. Эрте жолугуп калган экенбиз, эми ойлосом. Өзүмдү ааламдын кожоюну сезип жүргөндө кезиктиң да, баркыңды билбей ажырап калдым.
Сага гана сыр кылып айтайынбы? Мен сени сагындым! Абдан сагындым! Бирок сагынганга акым жок. Анткени сен бир адамдын жубайы, бактылуу балдардын апасысың. Сенин жашооңо киришүүгө акым да жок...
Асылбек
Нуржамал Жийдебаева
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (28)
Тушумо дайым киресин,коргум келет, жок дегенде алыстан.Алгачкы суйуум элен. Бирок мен да куноолумун.Кечире алсан кечир мени.
бир кем дуйно дейт баары жакшы болот
Жашоо ушундай татаал таржымалдан турат экен, баш ийбеске айла жок....баардык нерсенин кадырына оз убагында жете билуу керек!!!
Менин жигитим дагы ушинтип окунот бекен кийин?Мындан кийин бир дагы балага ишенбейм бутту!
Бул жерде бут эле кидала болгон кыздар го,ошон учун козунорду чооон ачып алданып калбай жургуло кыздар.Жакшы болсонор балдар таштап кетпейт эле силерди.
Чын эле окунучтуу экен.Байкуш кыз шончолук кыйналыптыр,дагы кичине чыдап аракет кылганда балким бактылуу болушар беле.Бирок ошенткен сайын дагы да курсун которот эле да.
Балдар ушинтеп курсун котором деп жатып аягында куру жалак калаарын сезишсе. Кимди канчалык кордосон, озун андан эки эсе кор болосун. Ушуну бил!
mmmm da eto istoriya pro menya((((((((((((
тандаган тазка жолугат, много хочешь мало получешь.
meninda kadyrymy sezdi beken? kanchalyk azap tartkanymdy.....?
Менин тагдырыма окшош экен.
менин да кадырыма жеткен эмес! убакыт кутпойт экен! кечиргин келет бирок ото кеч!!!
а менин кадырыма жетип,кечирим сураган,кечиргем....бирок баары кеч болчу,мен аны суйбойм!!!
Men ke4 tuwundum erkekti katuu suibow kerek eken azyr menda jaman abaldamyn.
