ОРОЗО КАЛЕНДАРЫ-2022

Кыргызстан мусулмандар дин башкармалыгы берген маалымат боюнча, быйыл орозо айы 2-апрелде башталат. Айдын чыгышына жараша бир күнгө айырма болушу мүмкүн.

Рамазан айы кут болсун!

ООЗ БЕКИТҮҮ ДУБАСЫ:

Навайту ан асуума савма шахри рамазаана минал фажри илал магриби, халисан лиллахи таъаала.

Кыргызча мааниси:

Алланын ыраазычылыгы үчүн таң аткандан күн батканга чейин Рамазан айынын орозосун кармоого ниет кылдым.

ООЗ АЧУУ ДУБАСЫ:

Аллоохумма лака сумту, ва бика ааманту, ва ъалайка таваккалту, ва ъалаа рызкика афтарту, фагфирлии маа каддамту ва маа аххарту, бирахматика йа архамар роохимин.

Кыргызча мааниси:

Алла Таалам, өзүңө чындап ишендим, өзүңө таяндым. Өзүң берген ырыскы менен ооз ачуудамын. Баштан-аяк кетирген ката, күнөөлөрүмдү кечир.

БИШКЕК ШААРЫ БОЮНЧА


ОРОЗО КАЧАН БУЗУЛАТ?

• Атайылап тамак-аш жеп алса же суусундук ичсе;

• Тиштин арасында калган тамак-аштын калдыгын жутса;

• Тамакка, мурунга дары чачыратканда, тамызганда, ашказанды текшертүү үчүн шланг жутса (анткени ага май же крем сүйкөлөт);

• Клизма кылдырса;

• Түгөйүнө атайын жакындык кылса, атайылап бел суюктугун чыгарса (мастурбация, оргазм жана башкалар);

• Башка адамдын шилекейин жутса (жубайлардын өбүшүүсү);

• Бирөөлөр менен катуу урушса, сөгүшсө.

ОРОЗО КАЧАН БУЗУЛБАЙТ?

• Унутуп жеп же ичип алган учурда, кокусунан түтүн, чаң жутуп алса, тамагына чымын-чиркей кирип кетсе;

• Унутуп жубайы менен жакындык кылып алса;

• Кулкундан өткөзбөстөн тамактын тузун көрүп, кайра тилди суу менен чайкап салса;

• Ден соолугуна байланыштуу көзгө, кулакка дары тамчылатса;

• Ооздогу шилекейди, какырыкты, чимкирикти жутса;

• Мурун канаса же бир жери кесилип кан акса;

• Тамакты жутпай балага тамак-аш чайнап берсе.

БИТИР-САДАКА ДЕГЕН ЭМНЕ?

Битир-садака – айт намазына чейин муктаж мусулмандарга берилүүчү садаканын бир түрү. Ал кедей-кембагалдарга жардам катары, орозонун кабыл болуусу үчүн, жамандыктардан жана кыйынчылыктардан арылуу максатында берилет.

2022-жылдагы садака-битирдин өлчөмү

Рамазан айынын 26сынан 27сине караган түнү Кадыр түн белгиленет.

Гулийпа Маметосмон кызы

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (0)
№ 1008, 1-7-апрель, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА