БИР БҮРКҮМ. МИНИСТРГЕ СӨГҮШ ЖАРЫЯЛАНДЫ...

Саламаттыкты сактоо министрлиги: Бишкекте уруксаты жок дары-дармек саткан 30 дарыкана аныкталды.
Султан Алыбаев Бишкектин “Тазалык” ишканасынын жетекчиси болуп дайындалды.
Баткенде кургак учук борборунан качып чыккан 44 жаштагы бейтап каналга боюн таштап каза тапты.
Башкы прокуратуранын сунушунун негизинде Министрлер кабинети саламаттыкты сактоо министри Алымкадыр Бейшеналиевге сөгүш жарыялады.
Алмазбек Атамбаев Молдовановкадагы абакка которулганы айтылды.
Депутат Кундузбек Кошалиев парламентте “министрлерге чалсак телефонду көтөрбөй жатышат” деп даттанды.
ӨКМ: Өлкөдө 20-апрелден 25-апрелге чейин туруксуз аба ырайы күтүлөт.
Бишкек мэриясы борбор шаардагы гезит күркөлөрүнүн тышкы көрүнүшү жакшыртыларын билдирди.
Суу ресурстары мамлекеттик агенттигинин директору Алмазбек Сокеев "быйыл былтыркыдай сугат суу тартыштыгы болбойт" деп билдирди.
Улуттук банк: 2022-жылдын январь-февраль айларында мигранттар Кыргызстанга 364 миллион 700 миң доллар которушту.
Коронавирус: 21-апрелге карата өлкөдөгү ооруканаларда 5 жаран дарыланып жатат, баарынын абалы оор экени айтылды.
ТИМ: Новосибирск облусундагы абакта 18 Кыргыз жараны бар.
Эрлан Жаманкулов Жогорку Кеңештин төрагасынын басма сөз катчысы болуп дайындалды.
Журналист Арзыгүл Галымбетованын өлүмү боюнча кылмыш ишинин материалдары Ош ОИИБине өткөрүлдү.
Бишкекте 22-апрелде Дүйнөлүк китеп жана автордук укук күнүнө карата масштабдуу китеп фестивалы өтөт.
Кыргызстанда креативдүү экономиканы өнүктүрүү боюнча президенттин жарлыгы чыкты.
Парламент депутаттары "Президентти жана Жогорку Кеңештин депутаттарын шайлоо жөнүндө" мыйзамдан талапкер жогорку билимге ээ болушу керек деген норманы алып салууну сунушташты, мыйзам долбоору коомдук талкууга коюлду.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1011, 22-28-апрель, 2022-ж.