МИНИСТРЛЕР КАБИНЕТИ “КАГАЗДАН ЭЛЕ 112 МИЛЛИОН СОМ ҮНӨМДӨЙБҮЗ” ДЕЙТ

Өлкөнүн мамлекеттик органдары кеңсе кагазын пайдаланууну азайтса казынадан 112 миллион сом үнөмдөлүшү мүмкүн. Бул тууралуу 19-апрелде Министрлер кабинетинин төрагасы Акылбек Жапаров президенттик администрациянын аппараттык жыйынында айтты. Жапаров мамлекеттик органдардан кеңсе кагаздарын пайдаланууну 2 эсе кыскартууну талап кылды. Эми принтерден кагаздын эки бетине басып чыгаруу тажрыйбасы башталмакчы.

Жапаров кагазды үнөмдөө – экологияга да кам көрүү дейт. 1 тонна кагаз өндүрүүгө 17 дарак, 35 тонна суу, 4000 киловатт-саат электр энергиясы, 240 тонна отун жумшаларын белгиледи ал. Мындан тышкары кагаз жасоого көмүртек кычкылы, аммиак, сымап, нитрат, метанол, бензол, диоксин жана башка заттар колдонулары да эскертилди.

Каржы министрлигине мамлекеттик органдарга кеңсе кагазын сатып алуу үчүн бөлүнчү акчаны азайтуу тапшырмасы берилди. Электрондук документ жүгүртүүгө тезирээк өтөлү деди Акылбек Жапаров.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1011, 22-28-апрель, 2022-ж.