БИР БҮРКҮМ. ТЫШКЫ ИШТЕР МИНИСТРИ АЛМАШТЫ...

2023-жылы Кыргызстан менен Түштүк Кореянын ортосунда түз аба каттамы ачылары маалымдалды.
Ысык-Көлдө жергиликтүү тургундун үйүнөн Кызыл китепке киргизилген күрөң аюунун терилери табылды.
Жээнбек Кулубаев Кыргыздын тышкы иштер министри болуп дайындалды.
Ош шаарында көп кабаттуу үйдүн терезесинен боюн таштоого аракет кылган 30 жаштагы келин куткарылганы айтылды.
Токтогул районунда баңгизат сатып жаткан жеринен 2 тургун кармалды.
Милдеттүү медициналык камсыздандыруу фондунун 2022-жылга бюджети бекитилди.
Кыргызстанда 2022-2025-жылдарга карата адамдарды сатууга каршы күрөшүү программасын ишке ашыруу боюнча иш-чаралар планы бекитилди.
2023-жылы Монголияда Кыргыз өлкөсүнүн элчилигин ачуу пландалып жатканы айтылды.
ИИМ: Жыл башынан бери 2 тоннадан ашуун баңгизат колго түшүрүлдү.
Таалатбек Масадыков кызматынан бошотулуп, президенттин өзгөчө тапшырмалар боюнча атайын өкүлү болуп дайындалды.
ИИМдин ага тергөөчүсү 200 миң сом пара алып жаткан жеринен кармалды.
Ош шаарында ооруканалардагы бейтаптардын, медицина кызматкерлеринин уюлдук телефондорун уурдап жүрүүгө шектүү жаран кармалды.
27-апрелде Жалал-Абад шаарында бош жумушчу орундардын жарманкеси өтүп, анда 300дөй бош жумуш орундары сунушталды.
28-апрелде таңга жуук Ош, Жалал-Абад облустарынын аймагында күчү 4 баллга жеткен жер титирөө катталды, жабыркагандар жок.
Ахматбек Келдибеков 2010-жылкы Июнь окуясы боюнча Башкы прокуратурада сурак берди.
Айдоочулук күбөлүк алуудагы сынакты оң жагына чечип берүү үчүн жарандан пара талап кылууга шектелип "Унаа" ишканасынын кызматкери кармалды.
Оштун Төлөйкөн айылынын тургуну аялын сабаганы үчүн 9 суткага камакка алынганы кабарланды.
Журналист Арзыгүл Галымбетованын өлүмү боюнча жарандык активист Роза Маманова күбө катары суракка чакырылды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1012, 29-апрель-5-май, 2022-ж.