АЗАМАТТАН «КОЁНЕК» САЛАТЫ
Дасторкон
Бүгүнкү биздин конок, актёр Азамат Арыков бир нече кинотасмаларда мыкты образ жаратып тим болбостон, ашкана сырларын да өздөштүрүүгө жетишиптир. Ал Жаңы жылга белек болсун деп “Коёнек” салатынын рецебин сунуштайт.
Керектелүүчү азыктар:
Тоок эти – 300 грамм
Жумуртка – 4 даана
Сабиз – 2 даана
Грек жаңгагы – 100 грамм
Сыр (катуу) – 100 грамм
Майонез – 200 грамм
Татымына жараша туз, калемпир.
Кооздоо үчүн кытай капустасынын жалбырагы, кара өрүк кагы, укроп, петрушка.
Даярдоо ыкмасы:
1. Тоок этин сууга бышырып, узун-узун кылып туурап алабыз. Ал эми сууга бышырылган жумуртка менен сабизди, ошондой эле сырды сүргүчтөн өз-өзүнчө өткөрөбүз.
2. Андан соң грек жаңгагын бычак менен майдалайбыз. Сырдан башкасынын баарына майонез кошуп аралаштырып, аралашмадан коёнектин тулку боюн даярдайбыз.
3. Анын үстүнө сырдан себелеп, кытай капустасынын катуу бөлүгүнөн коёнектин кулагын, кара өрүктөн көзүн жасайбыз.
4. Даяр болгон салатты укроп, петрушка, капуста менен кооздоп дасторконго коё берсеңиздер болот.
Коён жылы сиздерге токчулук, бакыт, ийгилик, тынччылык алып келсин!
“ЖЫЛМАЙЫП КОЮҢУЗ” ТАМАГЫ
Керектелүүчү азыктар:
Кой эти – 600 грамм
Жумуртка – 1 даана
Картошка – 500 грамм
Пияз – 300 грамм
Каймак май – 200 грамм
Кристалик – 1 чай кашык
Томат пастасы
Татымына жараша туз, ар кандай татымалдар.
Даярдоо ыкмасы:
1. Майда тууралган эт менен пиязды жакшылап мыжыга аралаштырып, ага татымына жараша туз, кара мурч, жумуртка, кристалик кошобуз. Бир аз тыныккандан кийин тоголоктоп, кызып турган майга эки жагын кызарта кууруп алабыз да, бир аз суу куюп, бууга бышырабыз.
2. Аарчылган картошканы жууп, сууга бышырып, каймак майдан кошуп пюре жасайбыз.
3. Андан соң пиязды кызарта кууруп, томат пастасы жана суу кошуп соус даярдайбыз. Ар кандай татымалдарды кошобуз.
4. Тарелкага алгач пюрени, анан котлетти салып, үстүнө соустан куюп дасторконго коёбуз.
АЗАМАТТАН КЕҢЕШ
-
Эгер бычактын мизи карарып же дат басып калса, аны лимондун кесими менен сүртүү керек.
-
Бычакты курчутуу алдында тазалап, кургатып алуу зарыл.
-
Болоттон жасалган бычакты ысык суу менен жууганга болбойт.
-
Азыктарды жыгач же пластиктен жасалган тактайчалардын үстүнө кесүү керек. Айнектен жасалган тактайчалар бычакты бат мокотот.
Дамира Арстанова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (23)
Ал тамака кошо турган. приправа тунук тузга окшош.
Азамат байке мен сизди суйооооооом!
Ким билет Азамат байкенин суйлошкон кызы барбы?
Абдан жакшы! Жаны жылга чейин коен салатын жазап коруш керек экен...
Uraaa!!! U men9 polu4ilos`!!! Rahmat!!!
Азамат- мужчина в моем вкусе...а интересно характери кандай болду экен...?
абдан сонун Азамат жаны жылга коен салат таппай аттым эле!
Азамат Арыков деген азыркы чыгып келаткан мыкты актерлордун катарын толуктайт.Ушуну кантип билбейсиз?
tuura azamat arykov bul kyrgyzdyn brat piti desek bolot aiatty ukmush atkargan
эн жакшы эн сонун тамак экен.
коенунуз озунчо эле укмуш болуптур мындайды аялдар деле билишпейт болуш керек
Азамат так держать мен Кок-Жардан сага чоон салам
molodetds holodets bul men tulku jonundo aityp bergen bala
