МАЙМЫЛ ЧЕЧЕГИНЕ ДАЯРДЫК КӨРҮЛҮҮДӨ

Саламаттыкты сактоо министрлиги маймыл чечегине каршы иш-аракеттердин алгоритмин иштеп чыкты. 14-июнда Бишкекте маалымат жыйынында Жугуштуу ооруларды көзөмөлдөө жана алдын алуу башкармалыгынын жетекчиси Динара Оторбаева бул жаңы оору эместигин белгиледи.

– Буга чейин негизинен Африка өлкөлөрүндө катталып келсе, акыркы мезгилде Европада катталды. Бул оору тыгыз байланышта болгондо гана жугат. Биз даярдык иштерин жүргүзүп жатабыз, ошентсе да бизде катталбайт деген үмүт бар. Бирок инфекция чек ара дегенди билбейт, оорулуу адам оорунун белгилери билине элек мезгилде кирип кетиши мүмкүн,- деди Оторбаева.

Маймыл чечеги – чанда кездешчү жугуштуу оору. Оорунун белгилерине дене табынын көтөрүлүшү, чыйрыгуу, чарчоо, баш оору кирет. Ошондой эле териде исиркектер пайда болуп, бүт денеге тарайт. Инкубациялык мезгил 5 күндөн 21 күнгө чейин.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1019, 17-23-июнь, 2022-ж.