БИР БҮРКҮМ. 245 МЕКТЕП АВАРИЯЛЫК АБАЛДА...

11-августтан тарта Грозный-Бишкек-Грозный аба каттамы боюнча учактар учуп баштай турганы кабарланды.
Нурлан Шерипов айыл чарба министринин орун басары кызматынан бошотулду.
Кыргызгидромет: 29-июлдан тарта өлкөдө күн салкындай баштайт.
Кыргызстандын музей фонду 1612 экспонат менен толукталды.
Транспорт жана коммуникациялар министрлиги: Бишкек-Ош багыты боюнча авиабилеттин баасы 4 миң сомдон ашпашы керек.
Мамлекеттик “Кадастр” ишканасынын жетекчиси “кызматкерлеринен акча талап кылган” деп шектелип кармалды.
ТИМ: Учурда Ирак жана Сириянын абактарында 600дөй Кыргыз жараны бар.
Орусия Кыргыз өлкөсүнүн бюджетин колдоо үчүн жакында 10 миллион доллар грант берери расмий маалымдалды.
Билим берүү жана илим министрлиги: Учурда өлкөдө авариялык абалдагы 245 мектеп бар.
Маданият, маалымат жана туризм министрлиги: Маданият жана спорт тармагында 12064 кызматкердин айлыгы 50 пайыздан 100 пайызга чейин жогорулады.
27-июлда Жалал-Абад облусунда күчү 4,5 баллга жеткен жер титирөө катталды, жабыркагандар жок.
Автоунаасын жасалма документ менен Кыргызстанга киргизүүгө аракет кылган Орусия жараны Кыргыз-Казак чек арасынан кармалды.
Социалдык фонд: Пенсияга чыгуу курагы жогорулатылбайт.
Биринчи Май райондук соту жарандык активист Адилет Балтабаевди 29-августка чейин камакта калтырды.
2020-жылдан бери Кыргыз өлкөсүнө коронавируска каршы 6,1 миллион доза вакцина алып келинип, анын 3,5 миллиону пайдаланылды.
1-августтан тарта көмүр базаларында элге көмүр сатыла баштай турганы маалымдалды.
Министрлер кабинети Кыргыз өлкөсүндө Alibaba Group компаниясынын филиалын ачууну Кытай тарапка сунуштады.
Кыргызстанда 2-5-августта Жамааттык коопсуздук келишим уюмунун аскердик машыгуулары өтөт.
6 айда 10 миңден ашык кыргызстандык Орусия жарандыгын алганы айтылды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1025, 25-июль - 4-август, 2022-ж.