19 ЖАШТАГЫ БЛОГЕР 2 АЙГА КАМАЛДЫ

Социалдык тармактагы баракчасына жарыялаган маалыматы үчүн 19 жаштагы блогер Ырыс Жекшеналиев кылмышка шектелүүдө. Жарандык активистке “Массалык баш аламандыктар” беренеси боюнча айып тагылганы коомчулукта талкуу жаратты. 16-августта Бишкектин Биринчи Май райондук сотунун чечими менен Жекшеналиев 2 айга камакка алынды.

Эскерте кетсек, 15-августта Фейсбуктагы ”Полит Узник” баракчасына жарыяланган видео (ред.: экс-чиновник Абдил Сегизбаевдин "Жетим-Тоо" тууралуу айткандары) боюнча кылмыш иши козголгонун ИИМ билдирген. Аталган баракчанын администратору Ырыс Жекшеналиев суракка чакырылып, 48 саатка убактылуу камалган эле.

– Аталган видео 2 жыл мурдагы шайлоолорго байланыштуу экендиги аныкталды. “Полит Узникте” жарыяланган эски видео “Жетим-Тоо” кенинин айланасындагы абалды курчутуу максатында коомдук ой-пикирди атайылап манипуляциялоого багытталгандыгы байкалат,- деп билдирди ИИМ.

Аталган кылмыш иши боюнча Абдил Сегизбаев да суракка чакырылган. 17-августта анын адвокаты Кайсын Абакиров сөз болуп жаткан видео монтаждалганын жана мааниси бурмаланып калганын айтып чыкты.

Көпчүлүк Ырыс Жекшеналиевдин камалышын сындап, “эскертүү берүү жетиштүү болмок” деп жатат.

Лунара Бекиева

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
№ 1028, 19-25-август, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан