БАТКЕН: ЧЕК АРАДА ЖАҢЖАЛ ТУТАНДЫ

Баткенде Кыргыз-Тажик чек арасында 14-сентябрда жаңжал чыкты. Мамлекеттик чек ара кызматынын билдиришинче, чырга Тажикстандын ортодогу келишимди бузуп, тактала элек тилкеге аскер жайгаштырганы себеп болду. Кыргыз тараптын аймактан чыгып кетүү талабына коңшу өлкөнүн чек арачылары ок атуу менен жооп кайтарганы айтылат маалыматта.

– Атышуу башталып, кыргыз чек арачылары да курал колдонушту. Тажик тарап миномётторду колдонду,- деп таратылды алгачкы расмий маалымат.

Миномёт менен аткылоодон 2 Кыргыз чек арачысы жаракат алганы белгилүү болду. Врачтардын айтымында, алардын абалы канааттандырарлык. Бул күнү Тажик чек арачылары Баткен районунун башка айылдарында да ок чыгарып жатышты. Тагыраагы, Как-Таш, Паскы-Арык тилкелеринде ок атышуулар орун алды. Жергиликтүү 3 тургун да октон жаракат алганы айтылды. Чек ара кызматы “Тажик тараптан кара кийимчен, сакалчан адамдардын карапайым калкка, инфраструктуралык жайларга ок атканы тынчсыздануу жаратат” деп маалымдады.

УКМК төрагасы Камчыбек Ташиев Тажик тарап бул жаңжалга атайын даярданганын, бир убакта 5 жерден кол салганын билдирип, "ушундай кадамдарды дагы улантышса, биз сөзсүз түрдө адекваттуу чара көрөбүз" деди.

15-сентябрга карата Баткенде абал турукташты, бирок чыңалуу бар деп айтылды.
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
№ 1033, 23-29-сентябрь, 2022-ж.
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА