"КУМТӨРДҮН" МУРДАГЫ АТКАРУУЧУ ДИРЕКТОРУ АЭРОПОРТТОН КАРМАЛДЫ

"Кумтөр" ишканасынын мурдагы аткаруучу директору Канат Курманов кармалды. Башкы прокуратуранын билдиришинче, ал үстүбүздөгү жылдын 14-январында "Манас" аэропортунан колго түшкөн. Сот чечимине ылайык, Бишкектеги №1 СИЗОго киргизилгени маалымдалды.

2022-жылы Эсептөө палатасы "Кумтөрдө" аудит жүргүзүп, жыйынтыгында ишканага күйүүчү майлар, азык-түлүк, тетиктер базар баасынан кымбат сатып алынгандыгы аныкталган. Бул факт боюнча "Кумтөрдүн" убактылуу жетекчиси Теңгиз Бөлтүрүк жана каржы директору Рыспек Токтогулов кызматтан бошотулган. Көп өтпөй Бөлтүрүк, Токтогулов, ишкананын дагы бир кызматкери кармалып, камакка алынган. Ал эми Канат Курмановго издөө жарыяланган эле.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1050, 20-26-январь, 2023-ж.