Бир бүркүм. Бишкек-Баткен аба каттамы жанданды...

АКШнын Бишкектеги элчилиги: Виза алуунун убактысы тездейт.
5-февралда Чоң-Алайда аңчылыкка кеткен 27 жаштагы жигит кар көчкү басып каза тапты.
Бишкекте 6-февралда автоунааларга бажы алымы кымбаттады деп унаа ташуучулар митингге чыгышты.
Кыргызгидромет: Тоолуу аймактарда кар көчкү түшүү коркунучу жогору.
Учурда Кыргызстанда 300дөй индиялык компания иштеп жатканы расмий маалымдалды.
Баткен облустук сотунун катчысы 300 миң сом пара алууга шектелип кармалды.
Интернеттен экстремисттик материалдарды тараткан деп шектелип Баткендин 22 жаштагы тургуну кармалды.
23 жаштагы айым зордуктоого күнөөлөп коомдук ишмер Нурлан Мотуевдин үстүнөн арыз жазганы кабарланды.
Жарандык активист Назарбек Нышанов бийликти күч менен басып алууга чакырык жасаган деп шектелип кармалды.
Жеке ишкерден пара талап кылууга шектелип Базар-Коргон райондук администрациясынын жооптуу кызматкери кармалды.
9-апрелде Чүй, Талас, Ош, Нарын жана Баткен облустарынын айрым аймактарында айылдык кеңештин депутаттарын шайлоо өтөт.
7-февралдан тарта Бишкек–Баткен–Бишкек аба каттамы жанданды.
Бишкектин “Тазалык” ишканасынын кызматкерлеринин маянасы 100 пайызга көтөрүлдү деп маалымдалды.
Кыргызстан менен Өзбекстан чек араны демаркациялоо боюнча сүйлөшүүлөрдү баштаганы маалымдалды.
Бакыт Жангазиев саламаттыкты сактоо министринин орун басары болуп дайындалды.
Бишкек–Ош жолундагы "Чычкан" постунан баңгизат ташууга шектелип 47 жаштагы аял кармалганы маалымдалды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1053, 10-16-февраль, 2023-ж.