-
“Адамзат өзүнүн жашоосун өзү татаалдаштырганга уста” дешет психологдор. Жашоону канткенде жеңилдете алабыз? Бул жаатта адистердин кыскача кеңештерин топтодук, сиз болсо окуп, эсиңизге түйүп алыңыз. Балким, издегениңизди таап каласыз.
-
Дүйнөнү, билбеген нерсени таанып-билүүдө убакытты, акчаны аябаш керек.
-
Жактыбы – ачык айт.
-
Түшүнгөн жоксуңбу – уялбай сура.
-
Сени түшүнүүсүн кааласаң – түшүнүктүү сүйлө.
-
Сагындыңбы – жолугушууга чакыр.
-
Бир нерсе керекпи – сура.
-
Күнөө сенден кетсе – актанууга шылтоо издебей, дароо катаңды моюнуңа ал. Кечкисин тынч уктайсың.
-
Бүгүнкү күн менен жаша, кечээки күн өтүп кеткен, ал эми эртеңки күндү көрбөй калышың мүмкүн.
-
Акылы тайкы, мас жана өзүн сенден акылдуумун деп ойлогон адам менен талашып убара болбо.
-
Ар кимдин өз чындыгы бар. Ал чындык сеники менен дал келбей калышы ыктымал экенин эске түй.
-
Жашоодогу эң негизги максат – сүйүү болуш керек. Калганы жөн гана тиричилик.
-
Бир маселени ар бир адам ар башкача кабыл алат, бири үчүн чечилгис, экинчиси үчүн ойлонуп убара болчу маселе эмес сезилет.
-
Жашоо сен ойлогондой каардуу да, боорукер да эмес. Ага сен барсыңбы-жоксуңбу баары бир. Андыктан жашоону кандай багытта кабыл алуу өзүңдөн гана көз каранды.
-
Өзүндү бакыттын бардык түрүнө жеткендей алып жүр, бакыт – ишенгендики.
-
Сени курчаган ар бир окуядан ырахат алганды үйрөн.
-
Мындан башка жашоо берилбейт. Бир келген жашоону татыктуу жаша.
-
Бирөө сага жакшылык жасоого милдеттүү эмес. Сен да бирөөгө жакшылык жасоого милдеттүү эмессиң. Бирок жакшылык адамдын жан дүйнөсүн тазартарын унутпаш керек.
-
Жашоодо эң биринчи өзүңө ишен, таян, өнүк, оку. Ошондо гана өзүңдүн жомогуңду жарата аласың.
-
Ар бир күндү жашооңдүн акыркы күнүндөй элестетип, сүйүп-күйүп, ырахаттанып жаша.
-
Күнүнө 5 мүнөт жиндилик кылып койгонго болот. Болгону бул убакытты узартып албаш керек.
-
Бош жатпа. Убакыттын тартыштыгы көпчүлүк оорулардын жана дарылардын ордун алмаштырат.
-
Эгер башка бирөөнү өзгөрткүң келсе, өзгөрүүнү өзүңдөн башта – коопсуз жана пайдалуу болот.
-
Жылмаюуга эч кандай күч талап кылынбайт, бирок анын жакшы маанай чакырган сыйкыр күчү бар. Жылмайып жүр.
-
Адам өз катасын издеп, кемчилигин моюнга алган даражага жеткенде гана адамдык баалуулугу артат.
-
Эртеңки күндү жок деп элестет да, келечекте жасайм деген кайрымдуулук иштерин бүгүн жаса.
-
Сага ачык каршы чыккан душмандан коркпо, бетиңе күлө сүйлөп, артыңдан канжар урчу достон корк.
-
Бир нерсени үйрөнүүгө болгон күчтүү каалоо – ийгиликтин жарымы.
-
Бул дүйнөдө сүйүүгө ээ болуунун бир гана жолу бар: башкалардан сүйүү талап кылууну токтотуп, ыраазычылык күтпөй, өзүң сүйүү бере башта, анан сен күткөн сүйүү да келет.
