БИР БҮРКҮМ. ОШ ШААРЫНЫН БЮДЖЕТИ БЕКИТИЛДИ...

Белгилүү дарыгер Алмазбек Исманкулов коррупцияга шектелип кармалды.
Баткенде “контрабандалык жүк” деп 10 тоннага жакын жер семирткич кармалганы маалымдалды.
Бишкектен Кытайдын Сиань шаарына аба каттамы ачылды, учактар жумасына бир жолу учат.
Айыл чарба министрлиги: Быйыл дыйкандарды үрөн менен камсыздоодо маселе жаралбайт.
Базар-Коргон районунда уюшкан кылмыштуу топтун мүчөсү деп шектелип айылдык кеңештин депутаты кармалды.
Башкы прокуратура: Ош шаарында мамлекеттик мүлк ижарага мыйзамсыз берилип, казынага 2 миллион сомдой зыян келтирилген.
Балбак Түлөбаев, депутат: “Сабатсыз министрлер президентти уят кылып жатышат”.
13-февралда Бишкектин четиндеги Өскөн-Ордо конушунун тургундары “үйлөрүбүздү мыйзамдаштырып бергиле” деп митингге чыгышты.
Ош шаарынын 2023-жылга бюджети 2 миллиард 509 миллион сом суммасында бекитилди.
Жарандык активист Орозайым Нарматованын үй камагындагы мөөнөтү үстүбүздөгү жылдын 20-апрелине чейин узартылды.
Камакта отурган саясатчы Равшан Жээнбеков дарылануу үчүн жеке клиникалардын бирине жаткырылды.
14-февраль – Cүйүшкөндөр күнүндө Кыргызстанда 55 түгөй баш кошкону маалымдалды.
16-февралдан 19-февралга чейин тоолуу аймактарда кар көчкү түшүү коркунучу жогору деп ӨКМ билдирүү таратты.
УКМК: Өлкөдө эл аралык террористтик уюмдун мүчөсү кармалды.
Электр энергиясынын тарифи 1 сом болсо, азыркы 700 киловатт-сааттык лимит эки эсе көтөрүлөрү айтылды.
Акылбек Жапаров: “Быйыл курулушунун 50 пайызы бүтүп калган мектептерди куруп бүтүрөбүз”.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1054, 17-23-февраль, 2023-ж.