ЗОРДУКТОО КЫЛМЫШЫ: Эми тараптардын элдешип алуусу эске алынбай калышы мүмкүн

Зордуктоо жана жыныстык мүнөздөгү кылмыштарда тараптардын элдешип алып, кылмыш иши токтотулган көрүнүштү жокко чыгарыш керек. Мындай пикирди 16-майда Жогорку Кеңештин тийиштүү комитетинин жыйынында депутат Эльвира Сурабалдиева билдирди. Парламенттин бир катар депутаттары жогоруда аталган көрүнүштү токтотуу үчүн Кылмыш-жаза жана Кылмыш-процессуалдык кодекске өзгөртүү киргизүүнү сунуштап жатышат. Аялдардын атынан көптөгөн кайрылуулар түшүп жатканын айткан Сурабалдиева буларды билдирди:

– Тараптардын элдешип алуусунан улам токтотулган кылмыш иштери боюнча так маалымат жок. Ар кандай коркутуулардан улам аялдар тосмо арыз жазууга мажбур болушууда. Мындай кылмыштарда тараптардын элдешүүсү таптакыр кабыл алынбашы керек деп эсептейм. Бирок айрымдар буга каршы. Ошондуктан элдешүүгө карабай кылмыш иши милдеттүү түрдө сотко өткөрүлүп берилиши керек деп сунуштап жатабыз.

Ошондой эле депутаттар зордуктоо кылмышы боюнча “кылмыштын эскирүү мөөнөтү” деген пунктун мыйзамдан алып салууну, зордуктоого шектелген жарандын баш коргоо чарасын өзгөртпөөнү сунушташты.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1067, 19-25-май, 2023-ж.