Бир бүркүм. Спикер аты-жөнүн өзгөртөт...

2025-жылдын март айынан тарта өлкөдөгү имамдарга 8000 сомдон айлык бериле баштай турганы маалымдалды.

Быйыл 11 айда Кыргызстанда 414 миң тонна эт өндүрүлгөн.

Энергетика министри: Өлкөдө 2025-жылы май айынан тарта электр энергиясынын баасы кымбаттайт.

Депутат Дастан Бекешев өлкөдө айып пулдардын суммасын көтөрүүдөн натыйжа чыкпаганын айтты.

Бишкекте 35 жаштагы жаран батирлердин биринен 130 миң доллар уурдоого шектелип кармалды.

Оштогу “Ош нуру” мейманканасы мамлекеттин карамагына өткөнү жарыяланды.

Нурлан Шакиев: “2025-жылы аты-жөнүмдү өзгөртүп, Нурлан Тургунбекович эмес, Тургунбек уулу болом”.

2025-жылдан тарта Кыргызстанга Сауд Арабиясы, БАЭ, Катар, Кувейт, Оман жана Бахрейндин жарандары визасыз кире алышат.

Блогер Батма Жолболдуева тергөө абагында зордукталганын айтып чыкты, маалымат териштирилүүдө.

Өлкөдө жыл башынан бери 2732 өрт кырсыгы катталып, анын кесепетинен 34 адам каза тапкан.

Бишкек 25-декабрда дүйнө жүзү боюнча абасы кир шаарлардын ичинен 1-орунга жайгашты.

Казакстанда кулаган учакта 3 кыргыз жараны да болгон, алар аман калышты.

Өзгөчө кырдаалдар министри: “Кыргызстанда сел кырсыктарын азайтыш үчүн малдын санын азайтуу керек”.

Уларбек Шаршеев ШКУнун аймактык антитеррордук түзүмүнүн директору болуп дайындалды.

Макулдашуу алкагында Түркиядан Бишкекке 48 автобус алып келинди, дагы 37 автобус алып келүү күтүлүүдө.

Сузактын Барпы айылында чек ара тозотунун жаңы имараты ишке берилди.

Бишкекти каптаган ыш маселесин Жогорку Кеңеш Жаңы жылдан кийин талкуулай турган болду.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 1151, 27-декабрь-2-январь, 2025-ж.